Алматы әкімі Ерболат Досаев әйгілі 50 Cent-тің концертінде көзге түсті (видео)

Кеше, 28 қарашада Алматы қаласында әлемге әйгілі 50 Cent-тің жеке концерті дүркіреп өтті. Ән кешіне қала тұрғындары мен көптеген танымал тұлғалар келген. Олардың арасында қала әкімі Ерболат Досаев та бар, деп жазады KAZ.NUR.KZ.

Америкалық рэп орындаушының жеке концертіне барған оңтүстік астана әкімінің видеосы Telegram-каналдарында тарап кеткен.

Бейнежазбадан қала басшысының көпшілікпен бірге әншінің өнерін тамашалап отырғанын көруге болады.

Қала әкімдігінің баспасөз қызметі KAZ.NUR.KZ тілшісіне пікір білдіріп, видеодағы Ерболат Досаев екенін, әкімнің концертке барғанын растады.