RU

Зауытбек Тұрысбеков "Нұр Отан" партиясының хатшысы болып тағайындалды

Зауытбек Тұрысбеков «Нұр Отан» партиясының хатшысы қызметіне тағайындалды деп хабарлайды партияның ресми сайты.

Зауытбек Қауысбекұлы Тұрысбеков Қазақ химия-технологиялық институтын инженер-химик-технолог мамандығы бойынша тәмамдаған. Жоғары партия мектебін бітірген. Экономика ғылымдарының кандидаты, профессор.

Әр жылдары Оңтүстік Қазақстан облысының әкімі, Көші-қон және демография жөніндегі агенттігінің төрағасы, президент Әкімшілігі басшысының орынбасары, Мемлекеттік қызмет істері агенттігінің төрағасы, Ішкі істер министрі қызметтерін атқарған.

Қазақстан Республикасының Өзбекстан Республикасындағы, Ресей Федерациясындағы Төтенше және Өкілетті Елшісі болды.

Тағайындауға дейін Зауытбек Тұрысбеков Қазақстан Республикасының Украинадағы Төтенше және Өкілетті Елшісі қызметін және Қазақстан Республикасының Молдова Республикасындағы Төтенше және Өкілетті Елшісі қызметін атқарды.

Мақаланың түпнұсқасы: https://kaz.nur.kz/1000288-zauytbek-turysbekov-nur-otan-partiyas.html