Выйти
RU

15 жыл ауыл басқарған əкім Сапарбаевқа өтірікті соқты

Рассказать в Telegram Рассказать Вконтакте

Ақтөбе облысына қарасты Қарақобда ауылдық округының əкімі Серікбай Құрмансейітов тізгінін ұстаған ауыл қаладан 50 шақырым қашықтықта жатыр. Бірақ, халықтың тұрмысы қиын, ауылдың жағдайы нашар. Əкім 15 жыл ауыл басқарғанымен, жөнді жұмыс жасамаған болып шықты деп хабарлайды NUR.KZ тілшісі.

"Мынау не ауылда соғыс болды ма? Соғыстан кейінгі ауыл секілді. Қарағым, 15 жылда не бітірдің? Бір клубты жөндеуге шамаң келмеді ме? 500-ден аса тұрғыны бар ауылда шаралар 60 адамға арналған мектептің спорт залында болады. Бір гектар да суармалы жер жоқ", - деді Ақтөбе облысының əкімі Бердібек Сапарбаев.

Күмілжіп, жауап бере алмаған əкім жер шұқып қалды.

Бүгін облыс əкімі Алға ауданындағы селолық округ əкімдерінің есебін тыңдауға барған болатын. Қарақобда ауылындағы есеп облыс əкімінің ойынан шыққан жоқ. Сасқан ауыл əкімі Сапарбаевтың сауалына көзін жұмбастан өтірік айта салды. Ол "ауылда көгалдандыру жұмыстары жақсы жүріп жатыр" деді.

"Ағаш қайда? Менің көзім жоқ па? Көзім жоқ болса екен, неге өтірік айтып тұрсың? Ауылға кіргенде бір тал көрген жоқпын", - деген облыс басшысы ауыл əкімін сілкіп алды.

Облыс басшысы əкімге ескерту айтып, халықты бірлікке шақырды. Ерінбей еңбек ету керектігін айтты.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
15 жыл ауыл басқарған əкім Сапарбаевқа өтірікті соқты