RU

Назарбаев отандық ғалымдарға әлемдік дағдарыстың себебін табуды жүктеді

Назарбаев отандық ғалымдарға әлемдік дағдарыстың себебін табуға тапсырма берді деп хабарлайды КТК арнасы.

Өйткені, президенттің ойынша, бұл күрделі сұрақтың жауабын  аузын айға білеген Нобель сыйлығының лауреаттары да білмейді.

Ақордада елімізге танымал академик Кенжеғали Сағадиевті қабылдаған президент ғалымдарға үнсіз отыра бермей, құлдыраған әлемдік экономика мен ушыққан геосаяси жағдайға қатысты пікір білдіріп отыруын сұрады. Және ол жай құрақ сөз емес, дәйек пен дерекке негізделген салмақты сараптама болуы тиіс. Себебі жұрт жаһандағы дағдарысқа қатысты пайым жасай алмай отыр. Сағадиев бұл олқылықтың орнын толтыруға уәде етті.

"Өзіңіз көріп отырсыз. Мына дүниеде дағдарысты айтқанда үндемейді. Нобель сыйлығының лауреаттары үндемейді. Ешқайсысы үндемейді. Ешқайсысы бір сараптама  жасап қиындықтан шығудың жолын айтпайды. Осының бәріне біздің Ғылым Академиясы  ғалымдардың пікірлерін,ойланып айтатын сөздері болуы керек. Олар енді осымен отыр ғой. Мен мына шаруашалықпен отырмын, ананы да қарауым керек, мынаны да қарауым керек", - дейді Қазақстан Республикасының президенті Нұрсұлтан Назарбаев.

Мақаланың түпнұсқасы: https://kaz.nur.kz/1022612-nazarbaev-otandyk-galymdarga-elemdik-dagdarystyn-sebebin-tabudy-zhyktedi.html