RU

Шымкентте құлаққаппен жүрген бойжеткенді пойыз қағып кетті

Шымкентте 20 жастағы қыз пойыздың астына түсіп, мерт болды. Оқиға таңғы уақытта орын алған деп хабарлайды Отырар арнасы.

"Алматы-Шымкент" бағытындағы Отырар пойызы теміржол жағасын бойлаған қызды қағып кеткен.

Әйгерім есімді бойжеткен тыйым салынған жерден теміржолды кесіп өткен. Жәбірленуші сол маңайдағы ірі сауда орталығында жұмыс істейтін болып шықты. Белгілі болғаны — қаза болған азаматша Мақтаарал ауданының тумасы.

Қатты соққыдан жәбірленуші 20 метрдей жерге ұшып кеткен. Айта кету керек, мұнда теміржолды кесіп өтуге кедергі болатын қоршаулар орнатылған. Бірақ жергілікті тұрғындар оның бір тұсын қиып тастап, арнайы орын қалдырыпты.

Куәгерлердің айтуынша, бойжеткен құлаққаппен жүріп, ауыр техниканың дыбысын естімей қалған болуы мүмкін. 2015 жылдың өзінде осы маңда 11 адам пойыздың астына түсіп, мерт болған.

Мақаланың түпнұсқасы: https://kaz.nur.kz/1028927-shymkentte-qulaqqappen-zhurgen-boyzhet.html