RU

Психологтар: Әйелдер ешқашан да бір көргеннен ғашық болмайды

Әйелдер ешқашан да бір көргеннен-ақ ғашық болмайды. Бұндай пікірді британ ғалымдары айтты деп жазады Қазақпарат.

Ер адамға деген ерекше сезім тұтануы үшін әйелдер кем дегенде алты рет көру керек.

Ғалымдар жалғызбасты әйелдерді бақылап көрді. Белгілі болғандай, нәзік жандылар жаңа қарым-қатынас құруда аса асығыстық таныта қоймайды екен.

Болашақ серігін анықтау үшін әйелдерге  алғашқы таныстық кезінде орташа алғанда 45 секунд уақыт кетеді екен. Алдымен олар ер адамның көзі мен жүзіне қарайды. Содан кейін жіті зерттей бастайды.

Екінші олардың көзге түсетін жері саусағы екен, неке сақинасы бар-жоқтығын анықтау үшін. Содан соң барып киім киісі, тұлғасы мен ортада  өз-өзін ұстауы, сөз сөйлеуі бағаланады.

Нәзік жандылар тіпті бір көргенде дене бітімі мен терісін, тырнағын да қарап үлгереді екен. Осыдан соң ғана барып олар сол адаммен қарым-қатынасты ары қарай жалғастыру керек пе, жоқ па екендігін шешеді, деп жазады шетелдік БАҚ.

Мақаланың түпнұсқасы: https://kaz.nur.kz/1041920-psikhologtar-ayelder-eshqashan-da-bir-ko.html