RU

Үндістан әлемдегі ең жеңіл тапаншаны шығарды

Үндістандық өндірушілер әлемдегі ең жеңіл тапаншаны шығарғанын жариялады. BBC хабарлағандай, 22 калибрлі Nidar револьверінің салмағы 250 грамм ғана, ал құны 513 доллар деп жазады ҚазАқпарат.

Бұл үндістандық қару жасаушылар шығарған әйелдерге арналған Nirbheek қаруынан екі есе жеңіл.

Қару алюминий құймасынан жасалды, беріктігі болаттан жасалғандай, алайда салмағы әлдеқайда жеңіл. Револьвер барабанының диаметрі - 40 мм, қару ұзындығы -14 сантиметр ғана.

Револьверді мемлекеттік кәсіпорындарда шығарады.

Қару азаматтардың өз-өзін қорғауына арнап шығарылды. Дегенмен Үндістан заңына сәйкес, көптеген қоғамдық орындарда қару алып жүруге тыйым салынған деп атап өтті BBC. Nidar конструкторлары биыл 10 мың қару сатуға үміттеніп отыр.

Мақаланың түпнұсқасы: https://kaz.nur.kz/1045153-undistan-alemdegi-enh-zhenhil-tapanshany.html