Выйти
RU

Қазақстандықтар тұңғыш рет Алғыс айту күнін атап өтуде

Рассказать в Telegram Рассказать Вконтакте

Бүгін - Қазақстанда Алғыс айту күні. Қазақстан президенті Нұрсұлтан Назарбаевтың 2016 жылғы 14 қаңтардағы Жарлығымен Қазақстанда Алғыс айту күні бекітілді деп хабарлайды Қазақпарат.

1995 жылдың 1 наурызында елімізде  Қазақстан халқы Ассамблеясы құрылды және 2015 жылы Ассамблеяның жиырма жылдығын мерекелеу аясында мемлекет басшысы бұл күнді халықтардың бір-біріне және қазақтарға көптеген халықтар елге күштеп қоныстандырылған кезде  төзімділік пен қонақжайлылық танытқаны үшін алғыс білдіре алатын күн деп жариялауды ұсынды.

Елімізде 130-дан астам ұлт пен ұлыс өкілдері бір үйдің баласындай ғұмыр кешуде. Қазақстан - азаматтық келісімді, түрлі мәдениеттер пен діндерді тоғыстырған көпұлтты, зайырлы мемлекет.

Бұл күні Астанада көптеген шаралар ұйымдастыру көзделіп отыр. Ұлттық ұлан әскері қолбасшылығы  Алғыс айту күніне тақырыптық кеш өткізгелі отыр. Қазақстанның Ұлттық музейінде «Мұражайға кітапты сыйға тарту» шарасы өтеді. «Керуен» сауда ойын-сауық орталығында «Қазақфильм» студиясы шығарған «Анаға апарар жол» фильмінің премьерасы өтпек.

Сондай-ақ осындай мәдени-бұқаралық шаралар еліміздің барлық облыстары мен түпкір-түпкірінде өтеді.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Қазақстандықтар тұңғыш рет Алғыс айту күнін атап өтуде