Выйти
RU

Алматы зообағында "Қызыл кітапқа" енген тағы бір жыртқыш өлуі мүмкін

Рассказать в Telegram Рассказать Вконтакте

Алматы хайуанаттар бағында тағы бір жолбарыс ауруға шалдықты. Жыртқыш төрт айдан бері сырқаттанып жатыр деп хабарлайды Қазақпарат.

Зообақ директоры Қанат Кәрімовтың айтуынша, 6 жасар Құралай есімді ұрғашы жолбарыс 4 айдан бері ветеринарлық ем қабылдап жатыр.

«Өткен жылы да Құралай қар барыстары сияқты өкпе қабынуы аурумен ауырып, емделіп шыққан болатын. Бірақ, биыл ауру қайталанды. Біз үздік мамандардың басын қосып, консилиум жинап жатырмыз. Әзірге ештеңе айта алмаймын», - деді Кәрімов.

Хайуанаттар бағында директоры соңғы 3 жылда мысықтұқымдастардың қатары сиреп жатқанын мойындады.

Еске сала кетейік, 2009-2014 жылдары Алматы зообағында 6 қар барысының ажал құшқаны жақында белгілі болған еді. Олардың барлығы өкпенің қабынуы дертінен көз жұмған.

Өз кезегінде мекеме басшылығы жануарлардың жерсінуі үшін ыңғайлы жағдай жасалмағанын айтып ақталды.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Алматы зообағында "Қызыл кітапқа" енген тағы бір жыртқыш өлуі мүмкін