RU

Алматылықтар президентті қорғап митингке шықты

"Халықты баспанамен қамтамасыз етейік" қоғамдық ұйымының ипотекалық несиеге үй алған өкілдері бүгін Алматыда АҚШ бас консулдығының алдында наразылық акциясын өткізді. Несие алғандар акциясын "Президентті қорғаймыз" деп атады.

Бұл туралы Азаттық хабарлайды.

Наразылық танытушылардың айтуынша, Қазақстанда "жерге қатысты митингілерден" соң АҚШ-та осы айда америкада тұратын қазақтар көшеге шығып қарсылық танытып, Қазақстанда жерді сатпауға шақырған.

"Халықты баспанамен қамтамасыз етейік" ұйымының мүшелері АҚШ-тағы наразылық акциясын "АҚШ-тың Қазақстанның ішкі ісіне араласуы" деп білетінін айтты.

"Егер АҚШ қандай да бір елдің үкіметіне қызығушылық таныта бастаса, онда ол елде ұзамай бей-берекетсіздік пен тәртіпсіздік басталатыны бесенеден белгілі. Біз елімізде мұндай болғанын қаламаймыз. Біз бұл акцияларға қарсымыз", - деді ұйым өкілі Жанна Садықова.

Несие алғандар Қазақстан әнұранын айтып, консулдық алдына АҚШ-та қарсылық танытқандардың жазуы бар плакатын, суреттердің көшірмесін қалдырып кетті.

Жиналғандарға шыққан АҚШ бас консулдығының қызметкері Рысбек Қасымбала акцияны бақылап тұрды. Наразылық танытқандар бұдан соң АҚШ билігіне әлдебір үндеу тапсырды.

Наразылық акциясын полиция бақылап тұрды. Акцияға қатысушыларға ескерту, немесе тарау туралы бұйрық берілмеді.

Тағы оқыңыз:

Бас мүфти кәсіпкерлерден Рамазан айында арақ-шарап сатпауын өтінді

Шымкент әкімі түлектерді ҰБТ қорытындысынан трагедия жасамауға шақырды

Таяу Шығыста соғысып жүрген қазақстандықтардың саны 400-ге жеткен

Қазақстанда үйді өзгерту кезінде қойылатын талаптар жұмсартылды

Оңтүстікте тасбақаның сорпасын ішпек болғандардың жолы кесілді

Оригинал статьи: https://kaz.nur.kz/1145090-almatylyqtar-prezidentti-qorghap-mit.html