RU

Карина Горичева Рио Олимпиадасының қола жүлдегері атанды

Бүгін Рио Олимпиадасындағы ауыр атлеттер сайысы жалғасын тапты. Зілтемір сахнасында 63 келіге дейінгі салмақтағы қыздар сынға түсті.

Бұл салмақ дәрежесінде Қазақстан намысын Карина Горичева қорғаған болатын деп хабарлайды NUR.KZ.

Жұлқа көтеруде Карина 107 келіге тапсырыс беріп, алғашқы мүмкіндігінде бұл салмақты көтере алған жоқ. 107 келі Каринаға тек екінші  мүмкіндігінде бағынды. Ал үшінші мүмкіндігінде қазақстандық спортшы 111 келіні еңсерді.

Ал серпе көтеруде Горичева 135 келіні көтерді. 137 келі екі мүмкіндігінде де Каринаға бағынған жоқ. Қоссайыс қорытындысы бойынша Горичева 243 келіні көтерді.

Осылайша, Алматы облысының түлегі өзі қатысқан алғашқы Олимпиада ойындарында қола жүлде жеңіп алды.

Бұл салмақта олимпиадалық рекордты жаңартқан Қытай атлеті чемпион атанса, күміс жүлде Солтүстік Корея спортшысының еншісінде кетті.

Рио Олимпиадасына қатысты маңызды жаңалықтарды мына сілтемеден оқыңыздар. 

Тағы да оқыңыздар:

Ресейлік комментаторлар қазақ боксшысының қабілетіне таңдай қақты (видео)

Қазақ балуаны ел үмітін ақтамағаны үшін халықтан кешірім сұрады

Дмитрий Баландин үздік алтылыққа еніп, жартылай финалға өтті

Америкалық қыз тарихта тұңғыш рет Олимпиадаға хиджабпен қатысуда

Допингпен Олимпиадаға қатысқан ресейлікті барлық спортшылар масқаралауда

Мақаланың түпнұсқасы: https://kaz.nur.kz/1215258-karina-goricheva-olimpiadanynh-qola-zhu.html