RU

Алматыда университет студенті жұмбақ жағдайда жоғалып кетті (фото)

Алматының әл-Фараби атындағы Қазақ ұлттық университетінің студенті жұмбақ жағдайда жоғалып кетті деп хабарлайды 31 арна.

22 жастағы Ерік Мұратұлының жақындары, қандай да бір мәлімет бергендерге ірі көлемде сыйақы ұсынып отыр. Себебі, осыдан бір ай бұрын Алматыдан Нарынқолға жолға шығып кеткен жас жігіттен әлі ешқандай хабар ошар жоқ.

Биыл дипломын алуы керек болған Ерік Мұратұлы шілденің сегізі күні Алматыдан туған жері Нарынқолға кешкі сегіздер шамасында жолға шыққаны қаланың шығаберісіндегі бейнекамераға түсіп қалған. Алматы мен Райымбек ауданына дейінгі жолдың маңын шолып шыққан жақындары, тек даладан көліктің өзін ғана табады. Ал, студенттің одан кейін қайда бағыт алғаны сол күйі белгісіз.

"8 шілде шығып кеткен содан жоқ. Машинасын тауып алдық. Діни ағымға әуестігі жоқ. Темекі шекпейді, ішпейді. Күліп қана жүретін", - дейді Ерік Мұратұлының досы Айбек Құдайберген.

Ұлынан көз жазып қалған ата-ана Ерікті көрген-білгендерден көмек сұрайды. Тіпті, қандай да бір тың ақпарат бергендерге 5 миллион теңге сыйақы ұсынып отыр.

"Тапқан адам болса сұрағанын береміз, егер біреу қорлықпен ұстап отырса да жіберсін, қанша ақша сұрасада береміз", - дейді әпкесі Индира Қырғызбайқызы.

Ерік Мұратұлы жайлы мәлімет білетіндер болса, төменде көрсетілген телефон номерлеріне хабарласуына болады.

8701 785 33 87. 8701 130 95 60

Тағы оқыңыздар:

Данияр Елеусінов қарсыласын айқын басымдықпен ұтты

Әділбек Ниязымбетов Олимпиаданың келесі айналымына шықты

Қазақстан құрамасының тағы бір боксшысы жарысты аяқтады (фото)

Қайрат Ерәлиев әзірбайжандық әлем чемпионын жеңді (фото)

Германия Қазақстанды Олимпиада ойындарынан шеттетуді ұсынды

Мақаланың түпнұсқасы: https://kaz.nur.kz/1217748-almatyda-universitet-studenti-zhumba.html