RU

Көзі көрмейтін бес жасар бала Құранды радиодан жаттап алды

Сауд Арабиясында бес жасар Хұсейін Мұхаммед Тахир есімді баланың туылғаннан көзі көрмейді деп жазады ummet.kz.

Алайда, оның зағиптығы кейбір ересек адамдар үшін ұзақ жылды қажет ететін жетістікке жетуге кедергі болмады: балақай бүкіл Құран аяттарын радио арқылы жаттап алған.

«Мен ұлыма радио алып бердім. Себебі, теледидардың оған пайдасы жоқ қой. Ұлым осы радио арқылы Құран аяттарын тәулік бойына беретін стансасы тыңдап жүрді. Құранды үйреніп, жаттап жүргенін білгеніммен, оны толық меңгеріп алады деп ойлаған да емеспін» дейді әкесі Мұхаммед Тахир.

Хұсейіннің отбасы Джидда қаласынан Мәдинаға көшіп барған кезде ол әкесінен Пайғамбар мешітіне алып баруын сұрайды. Әкесі осы сәт баласына бір ғана шарт бойынша келісім береді – «Бақара» сүресінің бірнеше аятын жатқа айту. Бірақ та бес жасар балғын Құранның бүкіл сүресін жатқа айтып, әкесін таңқалдырады.

Осы оқиғадан соң Мұхаммед баласын оқытушылар мен хафиздерге көрсетеді. Дін ғалымдары да Хұсейіннің Құранды жатқа меңгергенін растап, тек бірнеше сабақ алып, білімін толықтырып, бекітуге кеңес береді.

Тағы да оқыңыздар:

Әділбек Ниязымбетов елге оралған соң үйленетінін айтып, сүйінші сұрады

Қазақстанның туын ұстап шыққан таеквондошы ел үмітін ақтамады

Төрт жасар қызын кісендеп ұратын жауыз ананың әрекеті жұртты шошытты

Алматы облысында екі жігіт бойжеткенді зорлады деген күдікпен қамауға алынды

Тұрғындар Бердібек Сапарбаевты хат жазып, ауылға шақырып алды (фото)

 

Мақаланың түпнұсқасы: https://kaz.nur.kz/1227152-kozi-kormeytin-bes-zhasar-bala-qurandy.html