RU

ҰҚК төрағасы: Алматы облысында теракт жасауды жоспарлағандар - салафиттер

Қазақстан ұлттық қауіпсіздік комитетінің (ҰҚК) төрағасы Владимир Жұмақанов Алматы облысында теракт жасауды жоспарлады деген күдікпен ұсталғандардың "салафиттік топтың өкілдері" екенін мәлімдеді деп хабарлайды Азаттық Радиосы.

Астанада өткен конференцияда жергілікті тілшілердің сұрақтарына жауап берген ол «Ұсталған төрт күндіктінің бірі - Қырғызстан азаматы. Оларға «террористік ұйым қызметіне араласу» ісі бойынша қылмыстық іс қозғалып, қамауда отыр, тергеу жүріп жатыр. Олар - салафиттік идеологиялық ағымды ұстанғандар» деді.

22 тамыз күні ҰҚК 18 тамызда Алматы облысында жүргізілген арнайы операцияда "теракт жасауды жоспарлады" деген күдікпен төрт адам ұсталғанын, олардың арасында Қазақстан мен Қырғызстан азаматы барын хабарлаған болатын.

Қырғызстан Сыртқы істер министрлігінің мәліметінше, радикалдық топтың сезікті мүшелерін ұстау операциясы Алматы облысының Қарасай ауданына қарасты Іргелі ауылында өткен. ҰҚК күдіктілер тұрып жатқан жерден "жарылғыш құрылғы жасауға арналған заттар" табылып, тергеу жүргізіліп жатқанын хабарлаған.

Тағы оқыңыздар:

Ерлі-зайыптылар дауы: Отбасының ортақ табысын кімнің ұстағаны дұрыс?

Қазақстандықтар Құрбан-айтта үш күн бойы демалады

Алматыда 20 жастағы британдық саяхатшыны аяусыз соққыға жығып, тонап кетті

Каримовтің қатты сырқат екені хабарланды

Исекешев балаларды қамауға қатысты полицейлерге қатаң ескерту жасады

Қазақстаннан кеткен америкалық азамат Шымкентті сағынып жүргенін айтады

Мақаланың түпнұсқасы: https://kaz.nur.kz/1234926-uqk-toraghasy-almaty-oblysynda-ustalgh.html