RU

Танымал журналист Орта Азияны тәліптерден сақтап тұрған өзбектің қуаты екенін айтты

Белгілі журналист Серік Жанболаттың айтуынша, Өзбекстан тағына Ислам Каримов секілді мықты басшы келмесе, жағдай миллиондардың бас ауруына айналып кетуі әбден мүмкін. Себебі, тәліптердің Орталық Азияға дендеп еніп кетуіне кедергі болып отырған өзбектің қуаты екен.

Журналистің желідегі парақшасында жазуынша, бүгінде Өзбекстан сыртқы қарызы жоқ, аймақтық державаға айналып үлгерген.

"Өзбекстан президенті Ислам аканың инсульті миллиондардың бас ауруына айналып кетуі мүмкін бе? Әбден мүмкін. Әбден мүмкін егер Ислам ака науқасынан айықпаса, не оның орнына сондай әмір-темір мұрагер келмесе. Өйткені, Өзбекстан біраз жылдың ішінде аймақтық державаға айналып үлгерді. Өз территориясындағы ұлыстар мен руларды, өзге ұлт өкілдерін өзбек ұлтына айналдырды. Ешкімді тырп еткізбейтін, бұлғақтағандардың басын қағып тастайтын темірдей тәртіп жүйесін құрып алды. Сыртқы қарызы жоқ. Экономикасы ішкі өндіріске негізделген. Тастүйін армиясы бар. Міне, сондықтан да Өзбекстан бүгін Ауғанстан тәліптеріне қарсы тұра алатын аймақтағы жалғыз күш, кімге болса да төтеп бере алатын тастүйін жұдырық", -  деген ол тәліптердің Орталық Азияға дендеп еніп кетуіне кедергі болып отырған - өзбектің қуат екенін айтады.

"Тәліптердің Орталық Азияға дендеп еніп кетуіне кедергі болып отырған - өзбектің қуаты. Араққа тойып алып төбелес іздейтін ауылдың әумесері сияқты Ресейдің өзі Өзбекстанды мүйіздерде мың рет ойланады. Дүниені жалмап келе жатқан Азияның аждаһасы да өзбектің тамағынан өтпей қалатынын жақсы сезінеді. Өйткені, өзбек ағайын ұлт пен мемлекеттің бірлігіне қажет заңдылықтар мен дәстүр-салттарды, философия мен дінін негіздеп үлгерді. Өзбекстан бүлінбесін", - дейді журналист.

Сонымен қатар Серік Жанболат өзбектер шын мәнінде ислам дініне берік екенін, бұл жерде исламның тамыры терең де жатқанын айта кетті.

"Бұл жерде исламның терең тамыры бар. Өзбектер шын мәнінде ислам дініне берік. Сол себепті де өзбек билігі дін саясатын уысынан шығармай келді. Уахабизмді жолатқан жоқ. Ал, кіші Азияны астан-кестен етіп жатқан діни ағымдар Өзбекстанға өтіп кетсе, не болатынын көзге елестетудің өзі қиын. Онда Сирия мен Ирактың айналасындағы дүрбелең жолда қалатын шығар? Жер шарын жеке меншігіндей көріп, қалағанын жатқызып-тұрғызатын күштілерге Өзбекстанның әлсірегені керек. Сонда олар бұл жерде де саяси ойындарын еркін жүргізетін болады. Отыз миллионның қолына от беріп, аласапыранға салып қою деген не оларға? Онда Орталық Азия отқа оранды дей беріңіз. Онда Орталық Азия талан-таражға, ұлт тағдыры - талапайға түседі. Бетін аулақ қылсын ол пәленің! Өзбекстан бүлінбесін", - дейді ол.

Тағы оқыңыздар:

Ақтөбедегі теракт: Шабуылдан көшеде «бас тартқан» діндардың хикаясы

Қазақстан балуандары Бейжің мен Лондон Олимпиадасында алған медальдарынан айырылуы мүмкін

Құлсарыдағы қос ғашықтың бір-біріне деген адалдығына ел сүйсінді (фото)

Рио Олимпидасының қола медалі қазақстандық ауыр атлет Денис Улановқа берілуі мүмкін

Мұхтар Шахановтың өлеңін қазақша жатқа оқыған орыс қызы елді тәнті етті (видео)

Мақаланың түпнұсқасы: https://kaz.nur.kz/1236127-tanymal-zhurnalist-orta-aziyany-talipt.html