RU

Президент Тәуелсіздік күніне арналған шараларда қауіпсіздікті қамтамасыз етуді тапсырды

Ақордада мемлекет басшысы Нұрсұлтан Назарбаевтың төрағалығымен Қауіпсіздік Кеңесінің отырысы болды деп хабарлайды ҚазАқпарат.

Астана мен Алматы қалаларының және облыс әкімдерінің қатысуымен өткен отырыс барысында ұлттық қауіпсіздікті және қоғамдық-саяси тұрақтылықты қамтамасыз етудің өзекті мәселелері талқыланды.

Қазақстан президенті қатысушыларға арнаған сөзінде биыл еліміз бірқатар тарихи маңызды оқиғаны мерекелейтінін айтты.

"Биыл біз Қазақстан Тәуелсіздігінің 25 жылдығын атап өтеміз. Бұл оқиға аясындағы барлық мерекелік іс-шаралар тиісті қоғамдық-саяси тәртіпті қамтамасыз ете отырып, жоғары деңгейде өткізілуі керек. Бұл әсіресе біздің сыртқы және ішкі қауіпсіздігімізге әсер ететін әлемдегі сын-қатерлердің артуы кезінде айрықша өзекті болып отыр", - деді елбасы.

Бұдан бөлек, өңірлер әкімдеріне Ұлт жоспарын, қабылдаған әлеуметтік міндеттемелерді тиімді орындау, жұмыспен қамту және халықтың мұң-мұқтажына уақытылы назар аудару, сондай-ақ жергілікті жерлерде идеологиялық жұмыстарды жақсарту жөнінде міндеттер қойылды.

Нұрсұлтан Назарбаев Қауіпсіздік Кеңесі отырысының қорытындысы бойынша бірқатар нақты тапсырма берді.

Тағы да оқыңыздар:

Сағынтаевты Қазақстан премьер-министрі етіп тағайындады

Мамин Қазақстанның бірінші вице-премьері болып тағайындалды

Мәсімовке дейін ҰҚК кімдердің тізгінінде болды? (фото)

Шымкенттік әйел күйеуінің өліміне полицейлерді кінәлап отыр

Көкшетауда белгісіз жабысқақ жәндіктер қаптап кетті (фото)

Мақаланың түпнұсқасы: https://kaz.nur.kz/1247055-prezident-tauelsizdik-kunine-arnalgh.html