RU

13 жастағы оқушы бәйгеге қатысып, 10 миллион теңге ұтып алды

13-жасар Алматы облысының тұрғыны «Алтын тұлпар» сайысында 10 миллион теңге жеңіп алды деп хабарлайды Stan.kz.

Аламан бәйгеден республикалық турнир Астанадан 30 шақырым қашықтықтағы Қабанбай батыр ауылында өткен. Бұл сайыста шабандоздың шеберлігі мен тұлпардың шыдамдылығы үлкен рөл атқарды. Себебі бағындыруға тиісті меже – 51 шақырымды құрады.

Жеңімпаз атанған 13-жасар Асхат Әлімжанов Алматыға жақын маңдағы Дегерес ауылының тұрғыны. Өзінің Жаннұр есімді тұлпарын оқушы сайысқа былтырдан бері дайындаған.

«Өткен жылы осы сайыста үшінші орын алған едім. Бұл жолы жеңісті көздеп келдім. Десе де, бұл жеңіс мен үшін күтпеген нәрсе болды. Мұндай деңгейдегі ат жарыстарда бұрын-соңды бәйге алып көрмеппін. Өте қуаныштымын», – деді жеңімпаз.

Жүлделі екінші орын және үш миллион теңге көлеміндегі ақшалай сыйлық қарағандылық Қинас Қожахметовке бұйырса, екі миллион теңге мен үшінші орынға жамбылдық Нұржан Егенбаев қол жеткізген. Ең үздік тоғыз ойыншыға жүлделер табысталған.

Биыл бұл бәйгеге Қазақстанның әр өңірінен 67 тәжірибелі шабандоз қатысқан. Қатысушылардың ең жасы – небәрі 12 жаста. Ұйымдастырушылардың айтуынша, бәйге қашықтығы келесі жылы тағы да тоғыз шақырымға ұзартылады.

Тағы оқыңыздар:

Бұрынғы күйеуіне тоқал алуға рұқсат берген шымкенттік келіншек алты баласын әрең бағып отыр (фото)

Қазақстанда аборт жасауға тыйым салу ұсынылды

Тоқтар Төлешовтің меншігіндегі «Шымкентсыра» зауыты АТФ банктің меншігіне өтіп кетті

Ақтөбе облысында ауыл тұрғыны екі бірдей әкімді "жұмысынан шығарып жіберді"

Бердімұхамедовтің суын қырағы көмекшісі Меркельдің көзінше ауыстырып қойды

Мақаланың түпнұсқасы: https://kaz.nur.kz/1248675-13-zhasar-oqushy-baygege-qatysyp-10-million.html