RU

Қайрат Нұртас жаңа фильмі жайлы: Бұл жерде мен өзімнің құпиямды ашамын

Әнші "Қайраттың құпиясы" атты фильмнің түсірілім жұмыстарына дайындалып жатыр. Ол аталған туындыда жұрттан жасырған құпиясын ашатынын жеткізді.

Бұл туралы Астана арнасының "Ел аузында"  бағдарламасында айтылды деп жазады Stan.kz.

Бір минутын да бос өткізбей өнер иесі тағы да кино түсіріп жатыр. Алайда бұл жолы фильм бұрынғысынан өзгеше болмақ.

"Қайраттың құпиясы" деген жеке өзімнің фильміме дайындық үстіндеміз. Бұл жерде мен өзімнің құпиямды халыққа ашуды жөн көріп отырмын. Бар болғаны осы. Менде актер болып кетемін деген ой жоқ. Мен әрдайым әнші болып қала беремін", – дейді Қайрат Нұртас.

Соңғы уақытта Қайрат мырза жүрегіндегі жарасын әнмен емес, кино арқылы көрсетуді әдетке айналдырған сыңайлы. Бұл туынды кей көрермен үшін голливудтық туындыдан асып түспек. Себебі, туындыда әншінің жеке өмірі туралы баяндалуы мүмкін.

"Фильмнің не туралы болатынын әзірге айта алмаймын. Өйткені, көрерменге қызық болмай қалуы мүмкін. Әзірге құпия болып қала берсін. Қазан айында, Алла қаласа, фильмнің түсірілім жұмыстарына кірісеміз", – дейді әнші.

Естеріңізге сала кетсек, бірнеше ай бұрын Сиви Махмұди Қайрат Нұртастың бұл фильміне әйелі мен оның төрт баласының түсетінін айтып қалған-ды. Десе де, Қайрат Нұртас бұл ақпаратты растаудан бас тартты.

Тағы оқыңыздар:

Семейде анасы қызын биттен тазартамын деп өлтіріп алды

Небәрі 7 айлық болып туған Жазира Жаппарқұл үлкен спортқа қандай қиындықпен келгенін айтып берді

Екі ұлын зорламақ болған Ақмола облысының тұрғыны 17 жылға сотталып кетті

Алматыда 25 жастағы келіншек жұмбақ жағдайда жоғалып кетті (фото)

Атыраулық әйел өзін балағаттап, шашынан сүйреген күйеуін кешіре салды

Мақаланың түпнұсқасы: https://kaz.nur.kz/1252219-qayrat-nurtas-zhanha-filminde-zhurttan.html