RU

Олимпиадада ұтылған Жәнібек Әлімханұлы кәсіби боксқа ауысып жатыр

29 қазан күні Алматыда қазақтың танымал кәсіпқой боксшысы Қанат Ислам кезекті жекпе-жегін өткізеді. Осы күні кәсіпқой рингтен Жәнібек Әлімxанұлын да көріп қалуымыз мүмкін.

Бұл туралы Жәнібек Әлімханұлы ҚазАқпарат тілшісіне берген сұхбатында мәлім етті.

«Қанат Исламның Алматыда өтетін жекпе-жегін асыға күтіп жүрмін. Бұл күні мені де кәсіпқой рингтен көріп қалуларыңыз мүмкін. Алла сәтін салса, 29 қазанда кәсіпқой бокстан бағымды сынап көрсем деп жоспарлап жатырмын. Әзірге қарсыласым белгілі болған жоқ. Кім екенін нақты белгілі болғанда айта жатармын. Мен кіммен болса да, жұдырықтасуға дайынмын», - деп атап өтті Жәнібек Әлімханұлы.

«Кәсіпқой боксқа бір жола ауысып жатырсыз ба?» деген сұрағымызға: «Әзірге нақты шешім қабылдаған жоқпын. Оны жеке бапкеріммен және басқа да өзіме қол ұшын беріп, көмектесіп жүрген ағаларыммен ақылдасып алдағы уақытта шешетін боламыз. Қазір ұлттық құрама демалып жатыр. Осы орайда кәсіпқой бокстан өзімді сынап көрейін деген ниеттемін. Біржола кәсіпқой бокстың есігінен кіріп, төріне шығам деп шешкен жоқпын әлі», - деп жауап берді боксшы.

Тағы да оқыңыздар:

Тоқтар Төлешовтің әйелі мен тоқалдары туралы не білеміз? (фото, видео)

Пиджак пен кроссовки киген Назарбаевтың стилі жастарға ұнап қалды (фото)

Төрт бірдей ауыр дертке шалдыққан қазақ бүлдіршіні өмір сүру үшін арпалысып келеді

Ақтөбедегі медреседе білім алып жүргендердің ішінен 8 уахабшы табылды

Жігіттерден көңілі қалған 30 жастағы қыз тұрмысқа шығудан бас тартты (видео)

Танысын бетон құйып өлтірген оралдық қылмыскер жаға ұстатты

Мақаланың түпнұсқасы: https://kaz.nur.kz/1257882-olimpiadada-utylghan-zhanibek-alimkhan.html