RU
Ақтөбе облысында әскерде аяусыз соққыға жығылған жігітті әке-шешесі үйінде кісендеп ұстап отыр (фото)
Жаңалықтар Қоғам

Ақтөбе облысында әскерде аяусыз соққыға жығылған жігітті әке-шешесі үйінде кісендеп ұстап отыр (фото)

Рассказать Вконтакте

Ақтөбе облысында 25 жастағы зіңгіттей жігітті әке-шешесі кісендеп ұстап отыр. Өйткені Азамат Боқанов талмасы ұстағанда ешкімге бой бермейді. Өзінің не істеп, не қойғанын да білмейді екен деп хабарлайды КТК арнасы.

Тіпті жақында әкесінің саусағын шайнап тастаған. Ол мұндай дертке әскерде жүргенде шалдығыпты. Өзінің айтуынша, сол жақта сарбаздар жабылып ұрған. Кейін басшылары талмасы бұрыннан бар деген желеумен үйіне шығарып салған көрінеді.

Құмсай ауылында тұратын Боқановтар отбасы 25-тегі ұлын дәрменсіздіктен байлап ұстауға мәжбүр. Зіңгіттей жігіт талмасы ұстаған сәтте ешкімге әл бермей кетеді.

"Анда-санда "көтеріледі". Сол көтерілген кезде көшеге шығып біреуге зияны тиіп кете ме деген ой болды. Аяқ-қолы байлаулы тұрады. Сонда да сол саусағымды тістеп алды", - дейді Боқановтың әкесі Нұнбай Боқанов.

Азаматты ата-анасы бір сәтте көзден таса қылған емес. Өзі де ауладан әріге шықпай, күндіз жақындарына қолғабыс беріп жүреді. Тек түнде бұл шаңырақтың тыныштығы қашады. Азамат көтерілгенде не істеп, не қойғанын білмейді.

"Күндіз дені сау  адам құсап жүремін.  Әке-шешемнің қасында жатамын құттай бала сияқты. Былай-былай шыға да алмайсың. Шаршадым. Түсінбеймін. Емделгім келеді", - дейді Азамат Боқанов.

Бұл дерт жігітке әскерде тап болған. Ауыр соққы алған күні алғаш есінен танады. Үшаралдағы бөлім басшылары төбелес болғанын жасырып, оны эпелепсиямен ауырған деп еліне шығарып салған көрінеді.

"Бесеуі жабылды. Төбелес қалай аяқталғанын өзім де білмей қалдым. Таңертең казарма ішінде жатырмын. Тұла бойым, аяқ-қолым тартылып", - дейді Азамат Боқанов.

Отан қорғаймын деп барып, ауру жамап қайтқан ұлының болашағына ата-анасы алаңдайды. Көтерілгенде аласұратын онымен арпалысып өздері де шаршаған. Осы күнге дейін көрсеткен мамандардың ешбірі нақты диагнозды қоя алмады. Тіпті жындыханаға жатқызған. Ондағылар сау деп шығарып салыпты.

"Жылап-еңіреп әкесі екеуміз бармаған жеріміз жоқ. Ресейге дейін бардық осыған бір шипа іздеп. Біз  баламызды армияға ауру боп қайтсын деп  жібермеген едік", - дейді Боқановтың анасы Зылиха Смағұлова.

Бұл отбасы емші десе елеңдеп, ұлдарының дертін анықтайтын маман іздеп отыр. Аймақтағы денсаулық сақтау басқармасындағылар ем-домымен айналысамыз деп уәде етті. Десе де, осындай жағдайға тап қылған әскерилердің әрекеті кеш болса да жауапсыз қалмаса деп тілейді ата-анасы.

Тағы да оқыңыздар:

Ыстамбұл әуежайына жақын маңда жойқын жарылыс болды

Қостанайда ақшаға қызыққан күдікті зейнеткерді аяусыз өлтіріп тастады

Назарбаев алғашқылардың бірі болып Путинді туған күнімен құттықтады

Қостанайда шенеунік 300 мың теңге пара алып жатқан жерінен ұсталып қалды

«Алматы-1» теміржол вокзалы маңында метро стансасы салынады

Ольга Рыпакова ресми түрде Бейжің Олимпиадасының қола жүлдегері атанды

Сіздің реакцияңыз
62
4
5
96
0
4
4
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel