RU

Жиында «Айфонның» қызығына кіріп кеткен ОҚО әкімінің орынбасары ел аузына ілікті (видео)

ОҚО әкімінің орынбасары күллі журналистердің алдында «Айфонын» шұқылап отырды деп хабарлайды NUR.KZ-тің өңірдегі тілшісі.

Оңтүстік Қазақстан облысы әкімінің орынбасары Ұласбек Сәдібеков республикалық журналистер форумында қымбат смартфонын шұқылап отырды.

Шымкентте өткен форумға жергілікті және респубилкалық деңгейдегі БАҚ өкілдері қатысты. Басқосуды Оңтүстік Қазақстан облысының әкімі Жансейіт Түймебаев ашып беріп, бұқаралық ақпарат құралдарына қатысты тұшымды ойларымен бөлісті.

Төрде отырған аймақ басшысы қатысушыларға сәттілік тілеп, өзге де жиналысы бар екенін айтып, кетіп қалды. Президиумға  оның орынбасары Ұласбек Сәдібеков отырды. Бір қызығы, танымал журналист Сраил Смаил мінберде журналистика саласына қатысты терең ойын бөлісіп тұрған тұста Сәдібеков мырза «айфонның» қызығына кіріп кетті.

Қаншалықтың маңызды хабарлама келгені бізге белгісіз, дегенмен шенеунік бүкіл журналисті өзіне қаратып қойғанын тіпті ойламаған да сияқты. Ал оның бұл ерсі әрекетін залда жиналған күллі қатысушылардың қарап отыруына тура келді.

Естеріңізге салсақ, Шымкентте өткен «Жаңа ақпараттық саясат: бағдар мен болашақ» атты  форумда сөз алған Оңтүстік Қазақстан облысының әкімі  алдағы уақытта журналистерден қашпайтынын, олармен кез келген уақытта ашық пікірлесуге дайын екенін уәде етті.

Тағы оқыңыздар:

Көңілді кештердің көркі болатын Ахметжан Есімовтің қыздары (фото)

Қайрат Нұртастың он жыл бойы жасырып келген жан жары кім? (фото)

Михаэль Шумахер ескі «Мерседесін» 100 мың еуроға сатпақшы (фото)

Қарағанды облысы Саран қаласында бірде-бір қазақша көшенің жоқтығы жұрттың ашуын тудырды

Әуе билеттерінің бағасын шарықтатқан Эйр Астананың үстінен тағы да іс қозғалды

Мақаланың түпнұсқасы: https://kaz.nur.kz/1291954-zhiynda-ayfonnynh-qyzyghyna-kirip-ket.html