RU

Швециялықтар құдайға сенбейтіндерге арнап зират ашып қойды

Швецияның Бурлэнге қаласында діни нанымы жоқ адамдарды жерлеуге арналған зират ашылды деп жазады islam.kz.

Мұндай зираттың ашылуына Джозеф Эрдем (Josef Erdem) есімді қарапайым ұстаз мұрындық болған. Ол мұны адамдар көктасы қандай болуы керектігін өздері шешкені дұрыс деген пікірімен түсіндірді. Осындай ұсыныспен азамат Швецияның ірі христиан шіркеуіне жүгініп, сол жақтан қолдау тапқан.

Хабарламада айтылғандай, зират маңында діни белгілері бар ескерткіштер орнатылмақ, алайда, зираттың өзі діни нанымнан аулақ болғанды қалайды. Әзірге мола бос, бірақ, учаске сатып алу үшін бірнеше адам қызығушылық білдірген.

2015 жылғы статистикаға сенсек, Швеция дінсіздер саны жағынан Қытайға жол беріп, әлем бойынша екінші орынға тұрақтаған еді. Gallup International мен WI Network of Market Research агенттіктері жүргізген сауалнамаға қатысқандардың 76%-ы атеист екендерін айтқан.

2016 жылдың мамырында АҚШ-тың Майами университетінде атеизмді зерттеумен айналысатын арнайы кафедра ашылғаны хабарланды. Осы кафедраны ашуға екі миллион доллардан аса қаржыны 83 жастағы бизнесмен Луи Аппиджиан аударыпты.

Тағы оқыңыздар:

Танымал саясаткер Болат Әбіловтің жұбайы қайтыс болды

Журналистер Ақтөбедегі терактіден аса құпия құжаттарды қолға түсірді

Алматыда 6 жасар қызды зорлап өлтірген педофил 24 жылға сотталды (фото)

6 млн адамның қаңқасынан құралған қорқынышты мекен туралы не білеміз?

Астанада өрттен үш бала мерт болды

Мақаланың түпнұсқасы: https://kaz.nur.kz/1292826-shveciyada-dinsizderge-arnalghan-zirat.html