RU

Шетелдіктер қазақтардың орыс тіліне қатты беріліп кеткеніне таң қалды

Тараз қаласындағы Назарбаев зияткерлік мектебінің ұстаздары, Ямайка азаматтары жергілікті "Ақжол" басылымына берген сұхбатында қазақ елі болса да, Қазақстанда халықтың басым көпшілігі орыс тілінде сөйлеп, сол тілге қатты беріліп кеткеніне таңырқап қалған.

"Қазақтың бойындағы қандай ерекшелікті байқадыңыздар", - деген журналистің сауалына ямайкалық азамат:

"Не айтсам да, бұл – менің жеке пікірім. Мен ешқандай дерекке сүйеніп отырған жоқпын. Көрген, естігенімді айтамын. Сіздердің бір артықшылықтарыңыз орыс тілін халықтың көбісі меңгерген. Орыс тілінде еркін сөйлеу – ол сіздердің артықшылықтарыңыз. Керісінше жағы – сіздер сол тілге қатты беріліп кетіпсіздер. Ал неге сіздер ағылшын тілін оқытуға қарсы боласыздар? Кейде қазақтардан «енді жетпегені ағылшын тілі еді» деген пікірді естіп қаламын", - деген азамат елде жүріп жатқан түрлі реформалардың жемісін көру үшін әлі де уақыт керек екенін айтады.

"Менің бір байқағаным, Қазақстан – отбасылық құндылық пен ата-дәстүрге берік азиаттық үлгідегі халық. Сіздерде әулеттің үлкені не айтса, сол Конституциядан да жоғары тұрады екен", - дейді Келинг Смолл.

«Қазақстан» деген сөзді естігенде, ең бірінші ойға Байқоңыр оралады деген ямайкалық ерлі-зайыпты неге оны өздеріңіз игермейсіздер деген сауал қояды.

"Сіздерде Байқоңыр ғарыш айлағы бар. Әлемде ең бірінші рет адам баласы осы қазақ даласынан ғарышқа ұшты. Соны неге өздеріңіз игермейсіздер? Әлемдік алпауыт мемлекеттер келіп сіздерден зымырандарын ұшырады. Жергілікті халық оны теледидардан ғана көріп отыр. Дүниежүзіндегі ең керемет нүкте – ол Байқоңыр ғарыш айлағы. Мен соған қызығамын және сіздерге ғарышты игеруге тілектеспін", - дейді олар.

Тағы да оқыңыздар:

Ақмола облысының бұрынғы әкімі өмірден озды

Әйелінің аяғын сындырып, жағын айыра жаздаған еркекке қандай жаза керек? (фото)

Украина елде қалған «Лениннің соңғы» ескерткішін қиратып тастады

Өскеменде жоғалған сырқат жігіт төрт айдан бері табылмай жатыр (фото)

Павлодарлық әйел күйеуінен өш алу үшін өз қызын аяусыз соққыға жыққан (видео)

Екі қолсыз туған балақайдың өмірге деген талпынысы жұрттың жүрегін елжіретті 

Мақаланың түпнұсқасы: https://kaz.nur.kz/1295890-sheteldikter-qazaqtardynh-orys-tiline.html