RU

Қанат Ислам Патрик Аллотейді тізе бүктіріп, екі чемпиондық атақты жеңіп алды (фото)

Жылдың ең маңызды спорттық оқиғасында қазақстандық боксшы Қанат Ислам қарсыласы ганалық Патрик Аллотейді ұпай санымен жеңді деп хабарлайды NUR.KZ.

Ең соңғы әрі тартысты кездесуде қазақ боксшысы Қанат Ислам Ганадан келген Патрик Аллотейді жеңіп, бірінші орта салмақтағы WBA Fedelatin және WBO Intercontinental алтын белбеуін иеленді.

Бұл Қанат Исламның кәсіпқой бокстағы 22-ші жеңісі. Отандасымыз 18 жекпе-жегін уақытынан бұрын аяқтаған.

Сонымен "Алматы-Арена" кешенінде Қанат Ислам мен Патрик Аллотей, сонымен қатар өзге де боксшылардың арасындағы жекпе-жек аяқталды. Жарыс қорытындысы бойынша, шаршы алаңға шыққан 7 қазақ боксшысы да намысты қолдан бермей, жеңіс тұғырына көтерілді.

Шаршы алаңға алтыншы болып шыққан Жәнібек Әлімханұлы Головкиннің қарсыласы болған колумбиялық боксшы Милтон Нуньесті бірінші раундта-ақ тізе бүктірді. Ол қарсыласын екі рет нокдаунға жіберді.

Ал Жанқош Тұраров өзіне қыр көрсеткен ганалық боксшы Айсак Ариені 4-ші раундта сұлатып түсірді.

Еске сала кетсек, Жанқош пен Айсак кездесу басталмай тұрып бір-бірімен текетіресіп қалған болатын.

Рингке төртінші болып шыққан 99 келідегі қазақстандық боксшы Руслан Мырсатаев қарсыласы ганалық Наху Азумиді 44 секундтың ішінде тізе бүктірді.

Ал 78 келі салмақ дәрежесінде шаршы алаңға үшінші болып шыққан қазақстандық Әли Ахметов әзірбайжандық боксшы Әли Маммедовты бірінші раундта-ақ нокаутпен жеңді.

Осыған дейін рингке екінші болып шыққан қазақстандық Айдар Шәрібаев қарсыласы испаниялық боксшы Хуан Окураны жеңген еді.

Барлығы 6 раундқа жалғасқан жекпе-жекте қазақстандық боксшы ұпай санымен жеңіске жетті.

Айта кетейік, бұған дейін рингке алғашқы болып шыққан қазақстандық Жұман Жұмабеков қарсыласы Беларусь боксшысы Владимир Ивановты алғашқы раундта-ақ нокаутқа жіберген.

Тағы оқыңыздар:

Елбасының жеңгесі Назарбаевтың балалық шағынан естелік айтып берді

Үш баласын тастап, Сирияға кеткен ақтөбелік әйелге халықаралық іздеу жарияланды

Шымкентте 91 тобының клипін көрген қыз ұйықтай алмай, шошып оянды

Үкіметте жаппай қысқарту болуы мүмкін

Алматы облысында жаңа туған сәбиді өлтіріп алған алты дәрігер қызметінен қуылды

Астанада автобус салонында жанкешті бар деген ақпар жұртты дүрліктірді

Мақаланың түпнұсқасы: https://kaz.nur.kz/1299542-batyrlar-ayqasy-bugin-qanat-islam-tugh.html