RU

Павлодар облысында сәбиге қойылған Бату-Хан есімі үлкен дау тудырды

Балаларына Бату-Хан есімін таңдаған Ахметжановтарға АХАЖ бөлімі құжат бермеген. Айтуларынша, адам есімінде сызықша болмауы тиіс деп хабарлайды КТК арнасы.

Азан шақырып қойған атты қалай да рәсімдейміз деген отбасы мен мамандар арасында дау туындады.

Ақсудағы Ахметжановтар отбасында қыркүйектің аяғында дүниеге сәби келді. Қуанған әкесі ұлына Бату-Хан есімін қойған болатын. Алайда Алтын Орданың ұлы ханының атын құжатқа жазу мүмкін болмай шықты.

Халыққа қызмет көрсету орталығында қосарланған есімді, яғни, Бату және хан сөздерін дефис арқылы арқылы жазуға болмайды деп, арыздарын кері қайтарған.

"Міне бала қырқынан шықты, не құжат жоқ, ауруханаға бара алмай жатырмыз. Ай сайын төлетенетін ақшаны да ала алмай отырмыз. Басқаларға сызықшасын қойып жазып берді. Ал маған келгенде тіреліп қалды", - дейді Ақсу қаласының тұрғыны Алтынбек Ахметжанов.

Халыққа қызмет көрсету орталығы мамандарының уәжіне отағасының көнгісі жоқ. Шыңғыс хан немересінің есімін ұлым қалай да еншілеуі тиіс дейді. Ал АХАЖ мамандары адам есіміне дефис қоюдың заңға қайшы әрекет екенін алға тартады.

"Тіркеу туралы өтінішінде ол азамат баланың атын дефис арқылы жазбақшы болған. «Неке және отбасы» кодексіне сәйкес баланы тіркеген кезде баланың аты екі атпен қойылуға болады, бірақ та сызықша арқылы қоюға бұл кодекс бойынша рұқсат етілмейді", - дейді Ақсу қаласы азаматтық хал актілерін тіркеу бөлімінің бас маманы Жандарбек Төребеков.

Ал кодекстен мұндай тыйымды іздеп таппаған ата-ана бұдан соң талап арызын алып, прокуратураға барған. Тексерісті бастаған құзырлы орган бір ай уақыт өткенімен жарытып жауап бермепті. Алайда бұл жағдайға тілшілер аралсқан соң даулы мәселе әп-сәтте шешемін таба кетті.

Яғни тілшілер кетісімен нәресте құжатты болды. Облыстық әділет департаменті мамандарының айтуынша, заңға сәйкес жаңа туған нәрестеге қосарланған есімді беруге болады. Ал есімдердің бөлек немесе ата-ананың қалауы бойынша дефис арқылы жазуға рұқсат беретін заңда арнайы тармақ бар екен.

Тек мұны ақсулық мамандар білмеген сыңайлы. Ал бір жарым ай сандалған Ахметжановтар әулеті енді бұл жайтқа қатысты хал актілер бөлімінен түсініктеме күтеді. Еш жауап болмаған жағдайда баласының құқығын бұзғандарды сотқа бермек.

Тағы оқыңыздар:

Сағынтаев Қуандық Бишімбаевқа: Ойланбай, әрекет ету керек

"Ақтөбе" футбол клубының директоры тұтқындалды

Almaty Towers-те қаза тапқан студенттер сағатына 500 теңге үшін жұмыс істеген

29 жастағы жігіттің 46 жастағы көңілдесін Ләйлә Сұлтанқызы эфирден қуып шықты

Ресей Түркиямен әскери ынтымақтастығын бұрын-соңды болмаған дәрежеге жеткізбек

Келл Брук Головкиннің арқасында атағы жер жарғанын мойындады

Мақаланың түпнұсқасы: https://kaz.nur.kz/1310258-pavlodar-oblysynda-sabige-qoyylghan-b.html