RU

Ерлер журналына жалаңаштанып түскен қазақ қыздары

Қазіргі кезде қазақ шоу-бизнесінде өзінің жалаңаш мүсінін жасырмай, оны халық алдына ұсыну кеңінен белең алып келеді. Бұл қалың жұртшылыққа түрліше әсер етуде. Жартылай жалаңаш  суретке түсуден еш ерсілік көрмейтін қазақ қыздарына деген сыни көзқарас қаншалықты көп болса, олардың мұндай түсірілімдерге түсуі де соншалықты артып келе жатқандай. NUR.KZ порталы ерлерге арналған интернет-журналға жартылай жалаңаш күйінде түскен қазақ қыздарын назарға ұсынады.

Бұдан бір жыл бұрын Қазнетте алғаш рет ерлерге арналған интернет-портал ашылды. Gagarin.tm деп аталатын сайтқа қазақ актрисаларының жартылай жалаңаш суреттері де сол уақыттан бастап шыға бастады. Онда түрлі тақырыптағы мақалалармен қоса, қыздардың түрлі жалаңаш суреттері де жиі шығып тұрады.

 Айнұр Ілиясова

Қазақ актрисасы, көптеген қазақ тіліндегі отандық телебағдарламалардың жүргізушісі, қазақ әжелерінің сүйіктісіне айналған Айнұр Ілиясованың бұл журналға шығуы көптеген желі қолданушыларының шамына тиді. Олар актрисаның бұл қылығына наразы болып, оны сөгіп тастаған. Ал тұрмыстағы келіншек бұл әрекеті үшін жігітімен арасында ешқандай кикілжаң болмағанын айтты.

Дана Рыскелдинова

MuzzOne арнасының бас продюсері әрі жүргізушісі Дана Рыскелдинова да аталмыш журналға шықты.

Әнел Әлбахриева

Модель Әнел Әлбахриева өзінің ерлер туралы көзқарасымен бөлісті. Оның айтуынша, сүйікті жігіті оның бұл әрекетіне қарсы емес.

Айнұр Ниязова

"Құтқарушы", "Приключение", "25-й километр",  "Жаным-2"  секілді т.б. отандық кинокартиналарда көрінген актриса Айнұр Ниязованың бұл әрекетін де жұртшылық көпке дейін түсіне алмай жүрді. Бірақ, актриса мұндай түсірілімдерді өнердің бір бөлшегі ретінде бағалайтынын айтқан болатын.

Айсұлу Әзімбаева

Кино және театр актрисасы Айсұлу Әзімбаева өзінің жартылай жалаңаш суреттерімен көзі қырағы оқырманға бұрыннан таныс. Ел арасындағы қаңқу сөздерге мән бермеуге тырысатын актриса бүгінде кино өнерінде өз жолын тапқан.

Динара Нұрлыбаева

Мамандығы - маркетолог. Шоу-бизнеске ешқандай қатысы жоқ болғанымен, ол бірқатар отандық порталдарға сұхбат беріп, өзінің киім киісі мен ойларымен бөлісіп отырады.

Кәмила Шоканова

Сал ауруына шалдыққан Кәмила өзіндік ұстанымы мен ойы бар бойжеткен. Ол әлеуметтік желілерде түрлі жазбалар жазып, өзіндік ой-пікірлерін ашық айтуымен ерекшеленді. Ол өзі секілді науқас балалардың ой санасын өзгертіп, оларды қоғамда қалыпты адам ретінде қабылдауына қол жеткізгісі келеді. Оның ашық-шашық күйінде түскен суреттері бұдан біраз бұрын желі қолданушыларын дүр сілкіндірген еді.

Зарина Бейсембаева

Зарина Бейсембаева - әнші. Ол Іce Cream Band кавер тобының орындаушысы, сонымен бірге Zzara деген лақап атпен жеке ән орындайды. Ол желіге жартылай жалаңаш суреттерін жиі салып тұрады. Бірақ, бір сөзінде ол "қоғамның  сөзі мен үшін мүлдем маңызды емес" дегенді де айтып қалды.

Мақаланың түпнұсқасы: https://kaz.nur.kz/1310747-erlerge-arnalghan-zhurnalgha-zhalanhashta.html