RU

Азат Перуашев кейінгі ұрпақты ойламай, ұлттық қорға қол сұға беретіндерге шүйлікті

Ұлттық қорға қол сұға беруімізді доғару қажет. Мәжілісте үш жылдық бюджетті бекіту кезінде депутат Азат Перуашев осындай пікір білдірді деп хабарлайды Алматы арнасы.

Президенттің пәрменімен ұлттық қордағы қаражатты дағдарыс дендеген тұста ғана қолдануға рұқсат. Болжамдар бойынша, алдағы үш жылдық бюджетке қордан 9 жарым миллиард доллар бөлінеді. Депутат сондай-ақ инвестициялық кірістердің де 16 пайызға азаятындығын айтуда. Яғни, 812 миллиардтан 686 миллиард теңгеге дейін. Алғаш рет қордағы қаражат 2007-2009 жылдардағы қысыл-таяң кездерде пайдаланылған.

«Мұндай қарқынмен Ұлттық қордың ақшасын ала берсек, алдағы уақытта бізден кейінгі ұрпаққа ақша жетпеуі мүмкін. Инвестициялық кірістерді пайдаланудың орнына, әр шығынымызды осы қамбадан алуды әдетке айналдырдық», - деді парламент мәжіліс депутаты Азат Перуашев.

Бақытжан Сағынтаевтың өзі қатысқан мәжілістің пленарлық отырысында сын естімеген министр қалмады. «Үш жылға бюджет бекітерде қап-қап ақша сұрайсыздар, ал, істі тексеру барысында игерілмеген қаражат сомасы орасан» деп кіжінді үкімет басшысы.

Сондай-ақ министрлер кабинеті басшысының айтуынша, бюджет мұнай мен доллар бағамына тікелей тәуелді. Ұлттық экономика министрі Қуандық Бишімбаев бюджет жобасында мұнайдың бір баррелін 35 доллардан есептегенідіктерін айтты. Қара алтынның бағасы әлемдік геосаяси жағдайларға байланысты әлі сан құбылады. Күні бүгін бұл маркалы мұнайдың бір баррелі нарықта 44 долларды көрсетіп тұр.

Тағы оқыңыздар:

Назарбаев тәулігіне небәрі 3-4 сағат ұйықтап жүргенін айтты

Алматылық жігіттер үйленетін қыз жоқтығын айтып шағымданды (фото)

Нәрестені шапалақпен аяусыз ұрған қатыгез әйелдің әрекеті жан түршіктірді (видео)

Бас прокурор: Балаңыздың намысы аяққа тапталса, үнсіз қалмаңыз

Алматы облысының тұрғыны әкімнен таяқ жегенін жайып салды

Ділназ Ахмадиева жеке өмірін қазбалай беретіндерді орнына қойды

Мақаланың түпнұсқасы: https://kaz.nur.kz/1313355-azat-peruashev-ulttyq-qorgha-qol-sugha.html