RU

Күйеуінен таяқ жеген отандық жұлдыздар кімдер?

"Қыздың жолы - жіңішке" деген қазақ өз қыздарының барған жерінде бағы ашылғанын қалаған. Бірақ қазіргі қоғамда күйеуінің әйелін соққыға жығып, таяқтың астына алу мәселесі өршіп тұр. Мұндай тұрмыстық зорлық-зомбылыққа қарапайым әйелдер ғана емес, ешкімнің қолы жете бермейтін жұлдыздар да ұшырап жатқанына көрермен бүгінде куә болып жүр.

NUR.KZ порталы назарға күйеуінің таяғын жесе де, қалай да өз бақытын табуға ұмтылған жұлдыздарды ұсынады.

Баян Есентаева

Баянның биыл 10-маусымда соққыға жығылғанын, оның үстіне оның күйеуі оны аяусыз жарақаттағанын елдің бәрі біледі. Көптен бері күйеуінің түрлі қылықтарын көтеріп келе жатқан Баян бірнеше айдан соң ғана өз өзіне келіп, күйеуін кешіре алды.

"Мен күйеуімді кешірдім, дегенмен заң оны кешіре алмады", - деген ол қыздарының әкесі сотталып жатқанда да үнсіз қала алмады. Әйелге тән нәзіктігін сақтап қалып, аяусыз соққыға жығылса да, ол көп жылдар бойы отасқан күйеуін кешіре білді.

Ерке Есмахан

Баласының әкесі Асхат Садырбаймен ажырасып кеткен Ерке Есмахан Асхаттың мінезі жаман екенін елге жайып салды. Ол өзінің желідегі парақшасына жазба қалдырып, онда Асхаттың қол көтерген кездерін еске алды. Оның бұл қылығын көтере алмаған Ерке ұлын алып, онымен байланысын мүлдем үзді.

Карина Абдуллина

Жуырда КТК арнасының "Моя правда" бағдарламасында Карина өзінің өмірі жайлы айтып беріп, жалғызсырап жүргенін жасырмады. Өзінің сүйген жігіті, ірі мұнай компаниясының директоры Артем өзінің баласын мойындамай, баласы екі айлық кезінде тіпті Каринаны ұрып-соққан да екен. Көзіне жас ала отырып, басынан өткен қиын кездерін еске алған Карина ұлы Альбертті әріптесі, досы Болат Сыздықовтың атына жазып бергенін айтты.

Жазира Байырбекова

31-арнаның "Ұят емес" бағдарламасында Жазира жары Жанболаттан таяқ жеген кездері болғанын мойындады.

"Өзімнің тілімнен таптым. Ерке болып өскенмін.Ал қазір қалай сөйлеу керектігін үйрендік қой",-деді ол.

Сонымен бірге, ол қазіргі жастарға үлгі болсын деп өз тәжірибесімен бөлісіп жатқанын да жасырмады.

"Қазіргі келіншектер бір рет таяқ жесе үйінен қашады", - деді ол.

Тағы оқыңыздар:

Еліміздегі ер адамдар жалақысын әйеліне сеніп тапсырудан қорқатын болып шықты

Қазақстандық футболшы "Алматы аруына" үйленді (фото)

Екі айлығында сөйлеп кеткен нәресте көпшілік назарына ілікті (видео)

Маңғыстаудың таңғажайып табиғаты (фото)

Аша Матай қызына екі кіндік шеше таңдап, жұртты таң қалдырды

Шымкенттік қарақшылар тура кинодағыдай шабуыл жасады

Мақаланың түпнұсқасы: https://kaz.nur.kz/1315404-kuyeuinen-tayaq-zhegen-otandyq-zhuldyzd.html