RU

Сапарбаев қыздарын жұмысқа тұрғызу үшін $20 мың пара берген шенеуніктің жазалануын талап етті

Пара беріп, екі қызын жұмысқа орналастырғысы келген ақтөбелік шенеунік жайлы облыс әкімі Бердібек Сапарбаев сын пікір айтты деп хабарлайды Керек-инфо.

Баспасөзде жарияланған материалдарға сәйкес, денсаулық сақтау басқармасы басшысының орынбасары Алмат Ермағанбетов 39 жастағы Ботагөз Биекеноваға алданып қалыпты. Ол бір қызын Назарбаев университетіне, ал екінші қызын Назарбаев мектебіне жұмысқа орналастыру үшін Ботагөз Биекеноваға 20 мың доллар берген.

Бірақ әйел өз мойнына алған міндетін орындамай қойған. Сосын шенеунік құзырлы органға шағымданған.

24 қарашада облыстық прокуратурада өңір басшысы Бердібек Сапарбаев пара берген шенеунік жайлы сын пікір білдірді.

"Заң бойынша пара алған адаммен бірге пара берген адам да жауапкершілікке тартылады. Оның үстіне, ол мемлекеттік қызметкер. "Пара бердім" деп бүкіл елге масқара болды. Егер балаңның ойлау қабілеті төмен болса, онда, әрине, пара бересің. Оның ісін тәртіптік комиссияда қарау керек. Содан кейін тиісті құзырлы органдар бұнымен айналыссын", - деді өңір басшысы.

Тағы оқыңыздар:

Тұрғындар доллардан жаппай құтыла бастады

Алматыда трансгендер еркекті көру үшін изоляторда кезекке тұрғандар көбейген (фото)

Нағыз жігітте ғана болатын жеті қасиет

XX ғасырдың ең атақты үйлену тойлары 

Вице-министр: Ильиннің өз еркімен қызметінен кетуі – ер жігітке тән әрекет

Мақаланың түпнұсқасы: https://kaz.nur.kz/1328293-saparbaev-qyzdaryn-zhumysqa-turghyzu-u.html