Выйти
RU

Назарбаев Дональд Трамппен не туралы сөйлесті?

Рассказать в Telegram Рассказать Вконтакте

Нұрсұлтан Назарбаев Дональд Трампты президент сайлауындағы жеңісімен құттықтап, оған сайлауалды бағдарламасын іске асыру барысында табыс тіледі.

АҚШ-тың сайланған президенті мемлекет басшысын Қазақстан Тәуелсіздігінің 25 жылдығымен құттықтады. Дональд Трамп тәуелсіздік жылдарында республикамыз Нұрсұлтан Назарбаевтың басшылығымен ғажап жетістіктерге қол жеткізгенін атап өтті.

Әңгіме барысында әлемдегі және Орталық Азия өңіріндегі қауіпсіздік пен тұрақтылықты нығайту мәселелері жөнінде пікір алмасылды.

Қазақстан президенті еліміздің ядролық қару-жарақтан өз еркімен бас тартып, ядролық қарусыз әлем жолындағы күресті халықаралық қоғамдастықпен бірлесе жалғастыратынын айтты.

Трамп бұл ұстаныммен толықтай келісетінін жеткізді.

– Жаһандық деңгейде шешілуге тиіс ядролық қарусыздану мен оны таратпаудан асқан маңызды мәселе жоқ, – деді АҚШ-тың сайланған президенті.

Бұдан бөлек, Нұрсұлтан Назарбаев Дональд Трамптың назарын Ресей мен Америка ынтымақтастығын нығайтуға мүмкіндік беретін басты үш салаға аударды. Олар: терроризммен күрес, Украинадағы дағдарысты реттеу және жаһандық ядролық қауіпсіздікті нығайту.

Ресей президенті Владимир Путинмен болған телефон арқылы сөйлесу қорытындысын ескеріп, АҚШ-тың сайланған президенті Вашингтон мен Мәскеу ынтымақтастығын дамытудың перспективасына өзінің зор оптимизммен қарайтынын атап өтті.

Тараптар Қазақстан мен Американың достық қарым-қатынасын, соның ішінде сауда-экономикалық серіктестікті жаңа деңгейге көтеруге әзір екенін мәлімдеді. Трамп жақын арада екі көшбасшының кездесуін өткізуге мүдделілік білдірді.

Әңгімелесу соңында АҚШ-тың сайланған президенті барша Қазақстан халқына республика тәуелсіздігінің 25 жылдығы қарсаңында игі тілегін жолдады.

Тағы оқыңыздар:

Балаларын сабайтын ата-аналарды енді мұғалімдер сотқа беруі мүмкін

Сәбиін шапалақпен аяусыз ұрған әйелдің ісі Өзбекстанда қаралатын болды

Мұхамедиұлы: Илья Ильин бастаған спортшыларды қатты уайымдап жүрмін

Әзірбайжанда президентке тіл тигізгендерді түрмеге қамайтын болды

Шенеунік 60 мың теңге пара алып жатқан жерінен ұсталып қалды

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Назарбаев  Дональд Трамппен не туралы сөйлесті?