RU

Дәрігерлер ақыл-есі ауысқан деп санаған азамат жеке кәсібін ашып, үш баласын асырап отыр (фото)

Қарағанды облысының Нұра ауданына қарасты Қараой ауылында тұратын Дос Төлегенов сотта өзінің еңбекке жарамды екенін дәлелдеген. Сал ауруына шалдыққанымен басқа мүшелері сау деп хабарлайды "Хабар" арнасы.

Осылайша ол тұрмыстық техникалар жөндейтін шеберхананы іске қосып, жерлестерінің қажетіне жарап отыр. Дос Төлегенов сал ауруына шалдығып, жастайынан арбаға таңылған. Соған қарамастан еңбекке ерте араласты. Алғашқы ұстазының баулуымен 7-8-сыныптарда тұрмыстық техникаларды жөндей бастады.

Кейін мұны кәсіпке айналдырып, үй іргесінен шеберхана ашқан. Тапсырыс өте көп. Оның барлығын тапжылмай отырып тындыруға белі шыдамайтын шебер, жұмысын жантайып жатып жасайды.

"Осыған қосып автоэлектрик ашам ба дегенмін. Сосын жұмыскерлер аламын ба деп ойладым. Сондай-сондай жоспарларым бар", - дейді Қараой ауылының тұрғыны Дос Төлегенов.

Дос ерік-жігерінің арқасында жеңілмей келеді. Әуелде оған ақыл-есі кем деген диагноз қойған дәрігерлер де болыпты. Бірақ кембағал жан бұған көңілін түсірмей, білімді, қабілетті екенін сотта дәлелдеп шықты.

Осыдан 10 жыл бұрын Дос шаңырақ көтерген. Қазір жұбайымен бірге алтындай үш баланы тәрбиелеп отыр. Елдің мүсіркегенін жаны қаламайтын қайратты жігіт бүлдіршіндерін де үнемі еңбексүйгіштікке тәрбиелеумен келеді.

Тағы да оқыңыздар:

"Ақтөбе" клубын украиналық маман жаттықтыратын болды

Кәмпит жегісі келген ұры дүкенге қарумен шабуылдады (фото)

Оралдың қақ ортасындағы екі қабатты үй құлағалы тұр

Алматыда пәтерлерін су басқан жұрт Байбектен көмек сұрады

140 тонна улы зат тиелген ресейлік танкердің Ақтау портына шығып кетуі экологтарды шошытты

Мақаланың түпнұсқасы: https://kaz.nur.kz/1336386-darigerler-aqyl-esi-auysqan-dep-diagn.html