RU

Түсіп кеткен смартфонының артынан унитазға сүңгіген жас жігіт шығы алмай қалды

Норвегияда түсіп кеткен смартфонының артынан унитазға сүңгіген жас жігіт нәжістің арасына тіреліп қалды. Бұл туралы NUR.KZ порталы шетелдік басылымдарға сілтеме жасап хабарлайды.

20 жастағы Като Бернстен Ларсен досы абайсызда унитазға түсіріп алған смартфонын ол жерден алып шықпақ болған.

Қоғамдық әжетхана канализацияға жалғанбаған. Ал унитаздың ішінде нәжіске толы құты болатын. Бірнеше ай бойы адамның барлық лас қалдықтарын жинап тұрған унитазға ойланбастан сүңгіген жігіт, ішіне сыйып кеткенімен қайта шыға алмай қалған.

Нәжіске толы унитазда бір сағат бойы қамалған жігітті ол жерден алып шығу үшін құтқарушылар бірталай тер төккен.

«Бұл менің өмірімдегі ең қорқынышты күн. Унитаздың ішіндегі нәжіс арасында бірдеңе жыбырлап жүрді. Ол мені, тіпті шағып жатқандай көрінді", - дейді жігіт.

Құтқарушылар адам сыйып кете алатын унитазды жауып тастады. Қолдарын жарақаттаған Ларсен емханаға жеткізіліп, бактерияларға қарсы екпе алды. Ал смартфонды табу сол күйі мүмкін болмады.

Тағы оқыңыздар:

Ақтауда смартфоннан тоқ соғып, 7 айлық нәресте көз жұмды

Еліміздің Әнұранын менсінбеген шымкенттік журналистердің басы дауға қалды (видео)

16 жасар қызы жездесінен жүкті болған келіншек азапты өмірін баяндады

Ринат Зайытов атышулы Ninety One тобын тағы сынап тастады (видео)

Ғашық қызына ұнамақ болған шымкенттік жігіт күлкіге қалды (фото)

Алматы облысында жас жігіт жазықсыз үш адамды мүгедек қылды (фото)

Мақаланың түпнұсқасы: https://kaz.nur.kz/1338007-tusip-ketken-smartfonynynh-artynan-un.html