RU

Тәуелсіздік күніне орай үлестіріліп жатқан сыйақы тұрғындардың бәріне бірдей бұйырмайтын болды

Егемендігіміздің 25 жылдығына орай берілетін бір реттік төлем ел тұрғындарының барлығына бірдей бұйырмайтын болды деп хабарлайды КТК арнасы.

Еліміздің басты мерекесі Тәуелсіздік күні қарсаңында әр аймақ басшылары тұрғындарын өзінше қуантып жатыр. Бұл ретте Республика бюджетінің доноры – Алматы қаласы көш бастап тұр. Ұлық мерекеге орай Алматының 114 мың тұрғыны бір реттік әлеуметтік көмек алатын болды. Бұған алып шаһардың қазынасынан 6 миллиард 200 миллион теңге бөлінген.

"Сыйақы алатын дамның 68 мыңы мұқтаж азаматтар. Қалғандары әлеуметтік қызметкерлер, дәрігерлер мен мұғалімдер. Оларға өз жұмыс істейтін мекемесі сыйақы төлейді", - дейді Алматы қаласы Жұмыспен қамту және әлеуметтік бағдарламалар басқармасы басшысының орынбасары Мейіржан Отыншиев.

68 мың адам 13 түрлі санаттағы топтардан тұрады. Ол тізімде соғыс және Чернобыль апатының ардагерлері мен мүгедектерінен бастап, көпбалалы отбасыларға дейін қарастырылған. Сондай-ақ, 14-ші санаттағы Желтоқсан оқиғасының қатысушыларына жылда төленетін жәрдемақы осы жолы 50 мың теңге боп көбейген. Бұның бәрі биылғы қала бюджетін үнемдеу есебінен жасалып отыр екен.

Астана қаласы мен Маңғыстау облысында да жергілікті қазына есебінен осындай көмек көрсетіліп жатыр. Өкініштісі, жергілікті биліктің мұндай жомарттығы тек санаулы өңірде көрініс тапты. Мәселен, Жамбыл облысы бюджет жөнінен тек дотацияда отырғанын ашық мойындады.

"Әр аймақ өз мүмкіндігінше жәрдем көрсетеді. Жамбыл облысы дотациялық облыс болып табылады. Бюджет кірісінің 80 пайыздан астамы республикалық бюджеттен келетін трансферттерге мұқтаж. Дегенмен біз демеушілердің көмегімен жағдайы нашар тұрғындарға 18 миллион теңге көлемінде көмек көрсеттік", - дейді Жамбыл облысы Жұмыспен қамту және әлеуметтік бағдарламалар басқармасының басшысы Жорабек Баубеков.

Оңтүстік, Батыс, Шығыс және Солтүстік Қазақстан, сондай-ақ, Қызылорда, Қостанай және Павлодар облыстары да тұрғындарын қуанту үшін демеушілерге арқа сүйеп отыр. Ал қалған аймақтарда нендей төлем жасалатаны тіптен белгісіз.

Ал Алматыда бір реттік жәрдемақыға ие болу үшін міндетті түрде қала тұрғыны болуы керек. Қызығы сол, осы жаңалық шыққалы бері дереу тіркеуін облыстан қалаға ауыстырып жатқандар көбейе бастапты. Бірақ әкімдік бұндай құйтұрқылыққа жол бермейміз деп отыр. Өйткені тіркеуін дереу ауыстырғанымен, олар зейнетақы төлеу жөніндегі орталықтың тізіміне бәрібір енбейді.

Тағы оқыңыздар:

Жамбыл облысында үйлену тойынан соң қыдырып жүрген жігітті өлтірген полицей сот алдына келді

Ерке Есмахан: Аспаннан салбырап түсіп, жұлдыз бола қалған жоқпын

Әбілязов Қырғызстандағы көтерілісті қаржыландырғанын мойындады

Каримов қызметінен қуған шенеунік ақыры Өзбекстанның премьер-министрі болды

Еліміздің бірқатар клиникалары еврей компанияларының басқаруына берілмек

Павлодарда ел ішіне іріткі салған азамат сотталып кетті

Мақаланың түпнұсқасы: https://kaz.nur.kz/1349245-tauelsizdik-kunine-oray-ulestirilip.html