RU

Ер адам туған бауырының жасаған қылмысы үшін 10 жыл бойы түрмеде отырған

Үндістанның Уттар-Прадеш штаты Биджнор қаласының тұрғыны туған бауырының жасаған қылмысы үшін 10 жыл түрмеде отырып шықты, деп жазды Times of India басылымына сілтеме жасап Егемен Қазақстан.

43 жастағы Бала Сингх кеше бостандыққа шықты. Белгілі болғандай, полиция оны кісі өлтірді деген күдік таңылған туған бауыры Паппу Сингхпен шатастырып алған.

«Мен жеке басымды куәландыратын құжатым болмағаны үшін 10 жыл өмірімді темір тордың ар жағында өткізуге мәжбүр болдым», – деді Бала Сингх журналистерге берген сұхбатында.

Оның әділетсіздікпен жауапқа тартылуына себеп болған қылмыс 2001 жылы жасалыпты. Ол кезде полиция 4 күдіктіні ұстаған екен. Олардың арасында ағайынды Сингхтар болған. Алайда, белгісіз себептермен Паппу жауапкершіліктен құтылып кеткен. Сот тез арада істің жабылуын талап етіп, қысым көрсеткеннен кейін полиция 2006 жылы Баланы Паппу деп танып, оны бауырының орнына жауапқа тартқан.

«Бізде Паппу Сингхтың бұдан бұрынғы ісінен қалған саусақ іздері сақталған. Өткен жылы оны Баланың саусақ іздерімен қосып сот-криминалистік сараптамаға жібердік. Соның нәтижесінде полицияның күдіктілерді шатастырып алғаны анықталды», – деп мәлімдеді түзету мекемесінің өкілі С.Мишра.

Тағы оқыңыздар:

Қостанай облысының тұрғыны үкіметтен уақытты ауыстыруды сұрап отыр

Атырауда бақташы өз әріптесін атып тастады

Ашуға мінген атыраулық келін енесінің бетінен бір-ақ ұрған

Астанада Сирияның тағдыры шешілгелі жатыр

Алматыдағы көлік салондарының біріндегі әжетханаға кірген қыздың жүрегі тас төбесіне шықты

Мақаланың түпнұсқасы: https://kaz.nur.kz/1382890-undistan-azamaty-zhazyqsyz-10-zhyl-boyy-tu.html