RU

Белгілі тележурналист ұлттық арнаның басшылығына келген әріптесін сынға алған

Танымал тележурналист Арман Сқабылұлы ұлттық арна басшысының кеңесшісі қызметіне келген әріптестері туралы пікір білдірді деп хабарлайды NUR.KZ.

Арман Сқабылұлы Facebook-тегі парақшасында кеңесші қызметіне келген Серік Абас-шах пен Динара Сәтжанды құттықтап, олардың телеарнаға қандай пайда әкелуі мүмкін екенін жорамалдаған. Ол Динара Сәтжанның қазақшаға шорқақ болса да, шоу бизнес саласын жақсы білетінін атап өткен.

"Динара Сəтжан Ерлан Қариннің кеңесшісі болып тағайындалыпты. Серік Абас-шах та кеңесші. Секеңнің Ерекеңе телевидение жөнінде аз-паз кеңес ұсынуға шамасы бар деп ойлаймын. Ал, Динара қандай кеңес бермек? Қазақшадан мүдіретіні болмаса ол да оңай адам емес. Шоу бизнесті шемішкеше шағады. Бəлкім, сол жағынан... Жарайды, уақыт көрсетер! Құтты болсын!", - деп жазады тележурналист.

Мақаланың түпнұсқасы: https://kaz.nur.kz/1518495-tanymal-telezhurnalist-ulttyq-arnany.html