RU

ЭКСПО көрмесіне келген Лукашенконың 13 жастағы ұлы елдің қызу талқысына түсті (фото)

ЭКСПО-2017 көрмесіне бірнеше елдің басшысы қатысты. Ашылу салтанатына келген басшылардың ішінен ел назары Беларусь президенті Александр Лукашенконың 13 жастағы жасөспірім ұлына ауды деп жазады massaget.kz.

Ол – жоғары мәртебелі президенттермен бірге суретке түскен жалғыз бейресми адам болды.

Ашылу салтанатында Қазақстан президенті Нұрсұлтан Назарбаев әр елдің билік өкілдерін өзі салтанатпен қарсы алды. Кезек Александр Лукашенкоға келгенде Беларусь президенті жанына 13 жастағы ұлы Николайды ертіп кірді.

Тағы оқыңыздар: Есімов ЭКСПО-2017 көрмесіне нақты қанша қаржы жұмсалғанын айтты

Нұрсұлтан Әбішұлы Беларусь президентінің жанындағы ұлын байқап, бірге суретке түсу үшін қасына шақырды.  Бұл жайт ел назарынан тыс қалмады. Бұғанасы қатпаған жас баланы көрген ел түрлі пікір айтуда.

Александр Лукашенконың ұлы Коля Лукашенко 2004 жылы туған. Оның анасы кім екені ашық айтылмайды. Некесіз туған ұлын Беларусь президенті қасынан тастамай, ертіп жүруді әдетке айналдырған. Коля Беларусь еліндегі ең ықпалды адамдардың қатарына кіреді.

Беларусь халқы Коляны "тақ мұрагері" деп болжағанымен, Александр Лукашенко оның елдің келесі президенті болатынын жоққа шығарған.

"Бұл – нағыз ақымақ сөз. Үлкен не ортаншы ұлдарым президент болуы мүмкін деген сөзбен келісуге болады. Бірақ мен президенттің тағдырын өз ұлдарыма тілеймін бе, жоқ па? Ешқашан! Олардың осы жолмен тағы бір рет жүріп өткенін қаламаймын. Президент әкенің отбасы үшін қандай болатынын сіздер білмейсіздер", - деді Беларусь президенті бір сұхбатында.

Мақаланың түпнұсқасы: https://kaz.nur.kz/1519943-ekspo-2017-kormesine-kelgen-lukashenkonynh.html