RU

Қазақстанда 45 градусқа дейін аптап ыстық болады

Синоптиктер 2017 жылғы 22-24 маусымға арналған ауа райы болжамын жария етті деп хабарлайды "Қазгидромет"-ке сілтеме жасап NUR.KZ.

Мамандардың болжамынша, оңтүстікте температура 45 градусқа дейін көтеріледі.

«Батыс Сібір арқылы бірінен кейін бірі белсенді циклондар ығысуда. Соның әсерінен Қазақстанда кей жерлерде өткінші жаңбыр жауып, найзағай ойнайды, бұршақ және дауылды жел тұрады. Республиканың батысы мен солтүстігінде атмосфералық ағымдардың өтуінен ауа температурасы нормаға жақын және төмен болады деп күтілуде. Ал қалған аумақта температура климаттық нормадан 4-7ºС жоғары болады. Қазақстанның оңтүстігінде алдағы тәуліктерде аптап ыстық болады, күндіз 33-39ºС, кей жерлерде 40-45ºС ыстық болады деп болжануда», - делінген хабарламада.

Тағы оқыңыздар: Белгілі депутат әйел әуежайға Назарбаевтың атын бергені үшін қатты қуанды

Астанада 22 маусымда: көшпелі бұлт шығады, жауын-шашынсыз. Батыс, оңтүстік-батыстан 9-14 м/с жылдамдықпен жел соғады. Температура түнде +14+16°С, күндіз +29+31°С.

23 маусымда: көшпелі бұлт шығады, өткінші жаңбыр жауып, найзағай жарқылдайды. Шығыстан соғатын желдің екпіні күндіз 15-20 м/с дейін жетеді. Сынап бағанасы түнде +18+20°С, күндіз +26+28°С.

24 маусымда: көшпелі бұлт шығып, өткінші жаңбыр жауады, найзағай ойнайды. Солтүстік-батыстан 15-20 м/с жылдамдықпен жел соғады. Температура түнде +16+18°С, күндіз +25+27°С.

Мақаланың түпнұсқасы: https://kaz.nur.kz/1531418-qazaqstanda-45-gradusqa-deyin-aptap-yst.html