RU

Қостанайлық 10 жастағы баланың өліміне қатысты жантүршігерлік жайттың беті ашылды

Полицейлер маусым айында Тобыл өзеніне суға кеткен 10 жасар Ришат Харикоғылының өліміне қатысты мән-жайды анықтады, деп хабарлайды "31 арна"-ға сілтеме жасап Sputnik Қазақстан.

Ришат Харикоғлыны 24 маусым күні түстен бастап іздестірген. Жексенбі күні еріктілер мен сүңгуірлер қосыла іздеп, арнайы жедел тергеу тобы құрылған. Баланың денесі екі күн өткен соң 26 маусымда су қоймасынан табылды. Анасы ұлының мәйітін таныған.

Телеарнаның мәліметіне сүйенсек, тергеу барысында саяжайға туыстарының үйіне демалуға келген Ришат суға кеткен кезде, қасында өзі қатарлас өзге ұлдар болған екен.

Тағы оқыңыздар: Таиландта 30 жастағы саяхатшы қызды алып кесіртке жеп қойды

"Ришат үш досымен бірге өзенге барыпты. Ол батып бара жатқан кезде, достарының бірі көмекке ұмтылады, алайда шамасы жетпейді. Үрейі ұшқан балалар Ришаттың киімдерін көміп тастап, болған жайт туралы ешкімге тіс жармаған. Олар үш күн бойы ештеңе айтпапты", — деп хабарлайды арна.

Прокуратура хабарлауынша, балалар ювеналдық полицияның тіркеуіне алынады, бірақ олардың әрекетінде қылмыс құрамы жоқ.

Мақаланың түпнұсқасы: https://kaz.nur.kz/1542734-qostanaylyq-10-zhastaghy-balanynh-olimine.html