RU

Тағы да жеңіс: Димаш "Ең танымал шетел әншісі" атағына ие болды

Қазақстандық жас әрі танымал әнші Димаш Құдайберген Қытайдың Гуанчжоу қаласында өткен «Азияның алтын дауысы» (Asian Music GaLa) марапаттау кешінде «Ең танымал шетел әншісі» атағына ие болды деп хабарлайды NUR.KZ.

Бұл қуанышты жаңалықпен әншінің досы әрі менеджері Алпамыс Шәрімов өзінің ресми парақшасында бөлісті.

"Сүйінші! #AsianMusicGaLa Бұл қуанышты жаңалықпен әншінің досы әрі менеджері Алпамыс Шәрімов өзінің ресми парақшасында бөлісті. Марапаттау кешінде Димаш "Ең танымал шетел әншісі" номинациясының иегері атанды! Құтты болсын!!!

Біздің бала шет елде "Ең танымал әнші"! Раxмет, Dears! Раxмет, ұйымдастырушылар! Жан досым, құтты болсын!", - деп жазады ол.

Тағы оқыңыздар: Әйгілі Роналду төртінші рет әке атануға дайындалып жатыр (фото)

Димаштың марапаттау шараларында түрлі номинация бойынша жеңіске жетіп жүргеніне үйреніп қалған тыңдармандары әншінің бұл жаңалығына да алақайлап қуанды. Олар Димашқа жылы лебіздерін білдіріп, сәттілік тіледі.

Мақаланың түпнұсқасы: https://kaz.nur.kz/1560431-taghy-da-zhenhis-dimash-enh-tanymal-shet-el.html