RU

Судья атышулы Жамалиевтің ісі неге қайта қаралғанын айтты

"Әліби ісі" бойынша Қайрат Жамалиевті 13 жылға бас бостандығынан айырған судья оның ісі неліктен қайта қаралғанын түсіндірді деп хабарлайды Tengrinews.kz.

Еске салайық, кассацияық инстанция Әліби Жұмағұловтың өтінішін есепке ала отырып, Қайрат Жамалиевтің іс әрекетін Қылмыстық кодекстің 194-баптың 4-тарауының 2-тармағынан осы баптың 3-тарауының 2-тармағына ауыстырған болатын.

Тағы оқыңыздар: Алматыда 16 жастағы қызбен бірге тау ішінде қашып жүрген жігіт қайтыс болды

"Көлік құны бопсалау аса ірі көлемде ме, жоқ па соған әсер етіп тұрған Егер аса ірі көлемде болса, жазасы ауыр, егер ірі көлмеде болса, жазасы жеңілдеу болады. Іс бойынша екі сараптама болды: біреуін зардап шеккен тарап, екіншісін, қорғаушы жақ ұсынды. Осыған байланысты өзіміз үшінші сараптама жүргіздік. Оның қорытындысы бойынша, бопсалау ірі көлемде болғаны анықталды. Көліктің моделі, жылы есеппке алынды. Сондықтан осындай шешім шығардым", - дейді Жоғарғы соттың судьясы Ербол Рахымбеков.

Кассациялық соттық істі қайта қарауы бойынша Жамалиевтің жазасы 13 жылдан 7 жылға азайтылды.

"Жоғарғы инстанциялар бар, яғни, істі үш судья қарайды. Егер олар осындай шешім шығарса, маған келісу ғана қалды. Өз пікірімді үкімде білдірдім", - деп түсіндірді судья.

"Әліби ісі" 2015 жылы әлеуметтік желіде талқыланып, бүкіл елге белгілі болды. Кейін 45 жастағы Қайрат Жамалиев және тағы екі адам ұсталған болатын.

Мақаланың түпнұсқасы: https://kaz.nur.kz/1566414-sudya-atyshuly-zhamalievtinh-isi-nege-qa.html