RU

Ақбота: Дәуренмен заңды некеміз жоқ, екінші әйел болуға өзім келісім бердім

Кешью тобынан кеткен атышулы әнші Ақбота Сейітмағамбет халықтың сынына шыдай алмай ауруханаға бірнеше рет түскенін және өзінің заңсыз некесін айтып берді. Әнші жас босанса да үйде отырмай, шоу-бизнеске қайта оралатынын мәлімдеп, ел білмейтін оқиғаларымен бөлісті деп хабарлайды Zhuldyz TV-ға сілтеме жасаған NUR.KZ .

«Елден қаша алмайсың ғой. Қайда жүрсеңде сын айтылады. Басында өте ауыр болды. Әсіресе жүкті кезімде. Инстадағы жаман сөздерді оқып, ауырып қалып бес рет па ауруханаға түстім. Сосын жолдасым «инстаграмды азайт, жаман пікірлерді өшір» деп ақыл берді. Расыменде қазір жаман пікір көрсем өшіріп тастаймын. Қазір бұрынғыдай емес, тынышталды ғой», - деді Ақбота.

Тағы оқыңыздар: Гүлзира Айдарбекова Қайраттың жаңа фильмінде бар шындық айтылатынын жайып салды

Тілшінің «заңды некеге тұрдыңыздар ма ?» деген сұрағына әнші әлі заңды некеге тұрмағанын айтты.

"Былтыр қазан айында әке-шешелеріміз бәріміз барып мешітте имамның алдында шариғат жолымен некемізді қидырғанбыз. Әлі заңды некеге тұрмадық. Жалпы жоспарда бар, алдағы уақытта болып қалар. Бастысы сүйіп қосылдық қой", - дейді ол.

Тағы оқыңыздар: "Нұрлы жолды" бүлдіріп жатқандар журналистің ашуына тиді (фото)

Сұхбат барысында Ақбота күйеуіне екінші әйел болуға өзі келісім бергенін де мәлімдеді.

"Басында екі әйел туралы әңгіме болған. Ешкім енді өзінің жолдасын бөлісіп қойғысы келмейді ғой. Бірақ шариғатта да бар ғой төрт әйел алу. Білесіздер. Басында ол кісі (Дәуреннің бірінші әйелі) екінші әйел болуға келісім берді, мен де келістім. Сосын жағдайларға байланысты, ауытқулар болды. Сосын Дәурен өзі таңдап, өзі шешті. Яғни біздің отбасымен қалды. Біз араласпадық. Екі әйел екі жағынан тартсақ ештемесі қалмайды ғой", - деп күлді әнші.

Сондай-ақ Ақбота Дәуренге қалай ғашық болғанында баяндап берді.

"Алғашында аға деп сыйлап жүрдім. Сосын киноға түсіп бауыр басып қалдым. Өзім білмеймін қалай ғашық болып қалғанымды. Енді бұл махаббат қой", - деп ағынан жарылды ол.

Мақаланың түпнұсқасы: https://kaz.nur.kz/1569522-aqbota-daurenmen-zanhdy-nekemiz-zhoq-ek.html