Выйти
RU

Әділдік жолында "күресіп" жүрген Әли Оқапов шоу-бизнестің бар былығын жайып салды

Рассказать в Telegram Рассказать Вконтакте

Роза Рымбаеваның ұлы Әли Оқапов отандық шоу-бизнестің шындығын жазып, музыка әлеміндегі ақиқат үшін күресетінін жеткізді деп хабарлайды NUR.KZ.

"Бір күні мен сахнадан кетемін. Күресуден жалыққан сәтте. Себебі біздің сахна – ол тұнып тұрған күрес, нағыз шығармашылық пен сапа жолындағы күрес. Қырғыз, өзбек, түрік немесе румын әндерін ұрлауға қарсы күрес. Тыңдарман үшін және өз орныңды табу жолындағы күрес. Күндердің күнінде біз өз әндеріміз бен әртістерімізді ажыратып алуды және бағалауды үйренеміз. Шансон мен қазақ мәтіндерінің шығармашылықтың шыңы емес екенін халық түсінетін кез келеді. Сол кезде фонограммамен жеке ән кешін беру, алуан түрлі киім мен сахналық мейкке ғана мән беру ұят болып саналады. Сахнада әртіс пен оның дауысы ғана қалады. Сол кезде біз әннің жұрнағы қалмаған осы кезеңнің нағыз масқара екенін, ән айту мәдениетінің төмен екенін білетін түсінетін боламыз", - дейді қазіргі шоу бизнестің бар былығын тізіп жазған әнші.

Тағы оқыңыздар: Сәкен Майғазиев жұбайына естен кетпес тосынсый жасап, елді тамсандырды (фото,видео)

Әли күндердің күнінде өнер әлемін көркемдік кеңес назарына алып, рейтинг үшін жасалған арзан дүниелер болмайтынына сенім білдірді.

"Еліміздің бас сахналары мен телеарналарында рейтинг үшін арзан дүниелерді жасауға рұқсат бермейтін көркемдік кеңес пайда болады. Әртістердің аға буыны музыкадан гөрі тамақ пен шылым шегу маңызды саналатын алаңда жүгіріп жүрмейді. Сол кезде біз ғаламның үздіктері қатарында боламыз. Себебі біз оған лайықтымыз", - дейді ол.

Тағы оқыңыздар: Танымал журналист Баянның Жазушылар Одағының құрамына кіргенін қолдап отыр

Әнші шындық пен ақиқат, сапа мен шығармашылық үшін күресетінін, бірақ күндердің күні күресуден шаршағанда өзінің де сахнадан кететінін мәлімдеді.

"Ал әзірше біз шындық пен сапа, ақиқат пен талант, құрмет пен сыйластық, музыка мен шығармашылық үшін соғыса беретін боламыз. Бұл күрестің әскері - әртістер. Мен бұл сапта ата-анам мен музыканттар үйреткен құндылықтарды қорғауға дайынмын. Күресу мен дәлелдеуден шаршаған күні менде кетемін", - дейді ол.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Әділдік жолында "күресіп" жүрген Әли Оқапов шоу-бизнестің бар былығын жайып салды