RU

Құрбысын қызғанған оқушы оны қышқылды сұйықтықпен күйдіріп тастады

Ұлыбританияның Хаддингтон қаласындағы орта мектепте тағы да қышқылды шабуыл орын алды. Бұл жолы 18 жасар Эмили Боуэн мектеп мақтанышы Молли Янгты жазаламақшы болды деп жазады life.ru басылымына сілтеме жасаған NUR.KZ.

Эмили Моллидің футлярына сұйықтықты құю үшін акт залында ешкім қалмауын күткен. Молли залға кіре сала жағымсыз иісті байқаған, дегенмен  өміріне қауіп төніп тұрғанын байқамай қалған. Нәтижесінде, футлярды ашып, тазалағыш сұйықтықты аяғына төгіп алды.

Шошынған қыз аяғындағы колготкиінің еріп жатқанын өз көзімен көрді. Содан соң аяғындағы ауырлықты сезіп, жерге құлап, жанталаса бастайды. Жәбірленуші Эдинбургтің патшалық лазаретіне жеткізілді, содан соң Ливингстондағы әулие Ионнаның ауруханасындағы пластикалық хирургия бөліміне ауыстырылды.

Өкінішке қарай, күйік тым қатты болғандықтан, Моллидің аяғындағы күйіктің ізі енді кетпейді.

Оқиға барысында мектеп қоймасында жасырынып отырған Эмили Боуэн бірнеше сағаттардан соң табылды. Кінәлі деп танылған Эмилидің аутизм мен депрессиядан зардап шегетінін анықталды.

Эмили Боуэн 21 айға бас бостандығынан айырылды.

"Қазіргі таңда қоғам расымен үлкен қауіптің алдында тұрғандығын сіздер түсінулеріңіз керек. Сондықтан өкінішке орай бас бостандығынан айырудан басқа шешім тура келмейді деп ойлаймын", - дейд сот орындаушысы О 'Грейди.

Жіберіп алма: Күннің басты жаңалықтары енді сенің қолыңда - біздің Instagram парақшамызға жазыл! >>

Мақаланың түпнұсқасы: https://kaz.nur.kz/1582136-qurbysyn-qyzghanghan-oqushy-ony-qyshqyld.html