RU

Ақтөбенің жағымсыз иісін жасыруға тырысқан бас эколог Сапарбаевтан сөз естіп қалды

Ақтөбе облыстық экология департаменті басшысы Жақсығали Имақұловтың айтуынша, қалада тек күкіртті сутектің ауадағы құрамы шамадан сәл асып тұр. Бұған облыс әкімі келіспеді деп хабарлайды aktobenews.kz.

Қаладағы сасық иісті жақсырақ сезу үшін ол Жақсығали Иманқұловқа Махамбетов ауданында тұрып қайтуға кеңес берді.

«Жақсығали Исламұлы, сізді зауыттар орналасқан Махамбетов ауданына көшіру керек. Сонда бір ай бойы тұрып қайтыңыз. Содан кейін басқаша сөйлейсіз. Махамбетов ауданында жоқ дейсіз. Бірақ халықпен кездескенде мен өзім сол иісті сезем. Тұрғындардың айтуынша, олар сол иісті күнде сезеді. Бәрі дұрыс, күкіртті сутектен басқа шамадан артық көрсеткіш жоқ деп өз-өзімізді жұбатпайық, алдамайық. Егер де бәрі дұрыс болған жағдайда, онда қалада аллергия болмас еді, тұрғындар наразылық танытпас еді», — дейді облыс әкімі Бердібек Сапарбаев.

Тағы оқыңыздар: Қазақтың біртуар ұлы Қонаевтың жары туралы не білеміз? (фото)

Айта кетейік, облыстық әкімдікте қаладағы экологиялық жағдай талқыланды. Бердібек Сапарбаев қаланың ауасын ластап отырған кәсіпорындар басшыларын жинап, мәселені шешудің нақты жолдарын талап етті.

Жіберіп алма: Күннің басты жаңалықтары енді сенің қолыңда - біздің Instagram парақшамызға жазыл! >>

Мақаланың түпнұсқасы: https://kaz.nur.kz/1582451-aqtobeninh-zhaghymsyz-iisin-zhasyrugha-ty.html