RU

Концерттегі шу: Төреғали мен Еркенің фанаттары Ақтөбе сахнасын басып алды (фото, видео)

Ерке Есмахан мен Төреғали Төреәлінің ақтөбелік фанаттары сахнаны басып алды, деп хабарлайды Aktobenews.kz. Бірнеше әнді дуэтпен орындап жүрген танымал жұлдыздар Ақтөбедегі Тұңғыш Президент атындағы саябақта құрылысшылар мерекесіне арнайы келген болатын.

Тегін концерттің болатыны жөнінде бірнеше күн бұрын Instagram желісінде хабар тараған еді. Соңғы кезде хит әндер орындап жүрген қос жұлдызды көруге келгендер аз болмады.

Тағы оқыңыздар: ШҚО-да екі қызымен бірге өлі күйінде табылған әйелге қатысты жаңа дерек шықты

Құрылысшыларды кәсіби мерекелерімен алдымен облыс басшысы Бердібек Сапарбаев құттықтап, оларға алғыс хаттар табыстады. Шараның салтанатты бөлігі өткен соң, сахнаға Төреғали шықты. Халық сахнаға жақын тұру үшін қоршауларды ұшырып әкете жаздады. Ал, Ерке Есмаханды хабарлаған кезде жұрт сахнаға лап қойды.

Екі жұлдыздың фанаттарын тәртіп сақшылары да тоқтата алмады. Кенет, тыңдармандар сахнаны да басып алды. Ерке мен Төреғали ән айтуды тоқтатпады. Керісінше, ақтөбеліктер тарапынан болған әрекетті екеуі де қошемет деп санаған тәрізді.

Сахнаға ұмтылғандардың қатарында аяғы ауыл келіншектер мен таяққа сүйенген әжейлер де болды. Бірнеше бала жоғалып кетіп, аналары көз жастарына ерік берді.

Тағы оқыңыздар: Алматыда автобус жүргізушілері жұмысқа шықпай, шу шығарды

Кейбір фанаттар тәртіп сақшыларымен төбелесуге дейін барды. Қысылып қалғандары артқа қарай шыға алмады. Сондықтан, күзет қызметі оларды сахна арқылы парктің басқа жағына өткізіп жіберуге мәжбүр болды.

Фанаттарды тоқтата алмай жүргендердің бірі қала басшысының орынбасары Жандос Байырханов Ерке Есмаханды соңғы әнін орындап бола бере көлікке отырғызып алып кетті.

Ерке мен Төреғали кеткен соң, концерт көруге келгендердің дені айналдырған жарты сағаттың ішінде тарап кетті. Дегенмен, сахнадан жүргізушілер жоғалып кеткен балалардың сахнаның артында екенін хабарлап жатты.

Тағы оқыңыздар: Қарағандыда 4 жасар бүлдіршінді бірнеше жерден пышақтап тастады

Жіберіп алма: Күннің басты жаңалықтары енді сенің қолыңда - біздің Instagram парақшамызға жазыл! >>

Мақаланың түпнұсқасы: https://kaz.nur.kz/1585406-aqtobede-buryn-sonhdy-bolmaghan-koncer.html