RU

Айсәуле Бақытбек жан сырымен бөлісіп, желідегі оқырмандарын жылатты

Баян Есентаеваның тұңғыш қызы Instagram парақшасындағы оқырмандарымен жан сырын бөлісіп, осы уақытқа дейін желіде не себепті жазба жазуды тоқтатқанын түсіндірді. Ол өміріндегі қиын, әрі негативті сәттерді бөліскісі келмегенін жеткізді.

"Менің өмірімде ең бір қиын күндер болды, негативтер, мен ондай сәттерімді желіде  бөліскім келмеді... Себебі ол барлық жерде болды... Отбасымда, жеке өмірімде, қоршаған ортам және ең көбі менің өзімде.  Маған жиі айып тағылатындықтан сіздердің "сынға" көп жылдар бойы иммунитетім қалыптасып қалды және сол кезде мен алғаш рет өзімді сүймейтінімді, білмейтінімді сезіндім. Осы уақыттар аралығында мен өзімді құрдымға жіберіп келдім, кейіннен өз әрекетімді саралап, қорытынды шығардым, өзгердім және есейдім", - дейді ол.

Тағы оқыңыздар: Ерке Есмаханның "хит" әнін шырқаған әжелер желіде жұлдыз болды (видео)

Айсәуле бір жыл ішінде өмірінде жадынан өшіріп тастағысы келетін сәттердің орын алып,  отбасылық үстелде бір орынның бос қалғанын айтты.

"Иә, ешқашан қайталанбайтын және біржола жадымнан өшіріп тастағым келетін сәттер жиналып қалды.  Орындалмаған армандарым, ұмытылмайтын өкпе мен отбасы үстелінде бос орын қалды. Бірақ мен ең қараңғы түн жарқыраған таңның алдында болатынына сенемін. Мен тіпті жаңа шыққан күн шапағының жанымды жылытатынын сеземін",-дейді ол.

Жазбаны оқыған Айсәуленің  оқырмандары көңілдерінің босап, жүректерінің ауырғанын жазып жатты. Олар Айсәулеге қолдау білдіріп, ақ тілектерін жазды.

Жіберіп алма: Күннің басты жаңалықтары енді сенің қолыңда - біздің Instagram парақшамызға жазыл! >>

Мақаланың түпнұсқасы: https://kaz.nur.kz/1588941-aysaule-baqytbek-zhan-syrymen-bolisip.html