RU

Қазақстан халқының саны 18 миллион адамнан асты

Қазақстан халқының саны 18 миллион адамнан асты. Бұл туралы Ұлттық экономика министрлігінің баспасөз қызметі хабарлады деп жазады Massaget.kz. 

«2017 жылғы 1 шілдеге еліміздегі халық саны 18 034,3 мың адамды құрады, соның ішінде қалалықтар – 10 339,4 мың (57,3%), ауылдықтар – 7 694,9 мың адамды (42,7%) құрады. 2016 жылғы 1 шілдемен салыстырғанда халық саны 238,2 мың адамға немесе 1,34% өсті», - делінген баспасөз баянында.

АХАТ органдары ұсынған азаматтық хал актілері жазбаларындағы мәліметтерді өңдеу нәтижесінде, 2017 жылғы қаңтар-маусымда туғандар саны 189,3 мың адамға жетті, бұл 2016 жылғы қаңтар-маусымға қарағанда 6,4% аз.

Тағы оқыңыздар: Қазақстандық жасөспірім АҚШ-та күніне 100 долларға жұмыс істеген

2017 жылғы қаңтар-маусымда республика халқының табиғи өсімі 2016 жылғы қаңтар-маусыммен салыстырғанда 12,4 мың адамға немесе 9,2% кеміп, 122,6 мың адамды құрады.

Табиғи өсімнің жалпы коэффициенті 1000 адамға шаққанда 13,70 адамды құрады. Қарастырылып отырған кезеңде қайтыс болғандар саны 66,7 мың адамды құрады, бұл 2016 жылғы қаңтар-маусымға қарағанда 0,7% аз.

Мақаланың түпнұсқасы: https://kaz.nur.kz/1590907-qazaqstan-khalqynynh-sany-18-million-adam.html