RU

Қуат "Найман": Головкин басым болса да, бәрібір жеңісті "Канелоға" береді

Ережесіз жекпе-жекте ел намысын қорғайтын Қуат "Найман" Хамитов Vesti.kz-ке орта салмақтағы WBA (Super), IBO, WBC және IBF тұжырымдары бойынша әлем чемпионы қазақстандық Геннадий Головкин мен мексикалық Сауль "Канело" Альварес арасында өтетін кездесуге қатысты өз ойымен бөлісті.

"МакГрегор - Мейвезер арасындағы кездесудің ерте өтетініне байланысты Головкин мен Альварес арасындағы кездесу шамалы көлеңкеде қалып қойды. Шоу жағынан жанкүйер жинау жағынан артта. Сондықтан да ММА жұлдызы мен әлемнің үздік боксшысы арасындағы кездесудің жанкүйерлері көп болады деп ойлаймын.

Головкин - біздің отандасымыз. Әрине жекпе-жекті тамашалаймыз. Тілеуін де тілейміз. Екі боксшы да нокдаун, нокаутпен жеңіске жетеміз деп жатыр. Менің ойымша, бұлай болмайды. Екі боксшы да осыған дейін 12 раундтық жекпе-жектен өткізді. Бірақ Альвареске қарағанда Головкиннің қарсыласы қиындау болды. Сол үшін алдағы кездесу де 12 раундқа созылады деп ойлаймын.

Тағы оқыңыздар: Таба нанның арасына есірткі жасырып, қажылыққа аттанған адам жаға ұстатты

Екі боксшының да соққысы мықты. Рингті жақсы сезініп, еркін қимылдайды. Дегенмен де Альварес Головкинге қарағанда шапшаңдау. Шеберлігі де арты түсті. Бізді қызық жекпе-жек күтіп тұр. Головкинге ұпай саны бойынша жеңіске жету қиын болады. Өйткені, бұл бокс кешін "Канелоның" командасы ұйымдастырып жатыр. Егер тіпті Головкин жекпе-жек кезінде басым болса да, бәрібір жеңісті мексикалық боксшыға береді. Головкин ұпай саны бойынша жеңіске жету үшін Альваресті кемінде екі рет нокдаунға түсіруі керек. Бірінші рет алтыншы раундқа дейін, екінші рет алтыншы раундтан кейін.

Головкиннің денесі ірі әрі тәжірибесі молырақ. Сондықтан Головкин нокаутпен жеңіске жетуі ықтимал. Ол қалай да жеңіске жетуі керек", - дейді Хамитов.

Еске салайық, Головкин мен Альваресті допингтен VADA ұйымы тексерген. Еске салайық, бұл екі боксшы арасындағы жекпе-жек 16 қыркүйек күні Лас-Вегастағы (АҚШ, Невада) T-Mobile Arena аренасында өтеді. Сауль Канело Альвареске қарсы жекпе-жекте Геннадий Головкин орта салмақта WBC, WBA (Super), IBF және IBO чемпиондық атақтарын қорғайды. Мексикалық "The Ring" журналының белбеуін бәске тігеді.

Мақаланың түпнұсқасы: https://kaz.nur.kz/1593205-quat-nayman-golovkin-basym-bolsa-da-b.html