RU

Ашхабад тұрғындарына Азия ойындары біткенше далаға кір жаюға тыйым салынды

Қыркүйекте Ашхабадта өтетін Азиада ойындары қарсаңында астана тұрғындарына далаға кір жоюға тыйым салған. Бұл жөнінде Ашхабад тұрғындары мен тәуелсіз басылымдар хабарлайды.

"Түркіменстан оқиғасы" тәуелсіз басылымының жазуынша, 16 тамызда Ашхабадтың Мир-4 және Мир-7 шағын аудандарын жергілікті билік өкілдері аралап, Азиада ойындары аяқталғанға дейін, балкондарына кір жайып, заттар қоюға тыйым салынатынын хабарлаған.

Тәуелсіз басылымның жазуынша, жаңа ережені бұзғандарға 400 манат айыппұл салынады.

Түркіменстан Орталық банкінің ресми бағамы бойынша 1 АҚШ доллары 3.5 манат болады. Қара базарда 1 доллар 7 манат шамасында.

Тағы оқыңыздар: Қанат Ислам бастаған былғары қолғап шеберлері Астанада ашық жаттығу өткізді

Ашхабад шолушысы Аманмурад Бугаевтың сөздерінше, қазіргі уақытта Мир-4, Мир-5 және Мир -7 шағын ауданындағы үйлердің бәріне кір жаятын сымдар алынып тасталған.

Осыған дейін аталған шағын аудандағы үйлерге қондырылған салқындатқыштарды да жаппай алғызып тасталғаны хабарланған еді.

17-27 қыркүйекте Ашхабадта Жауынгерлік өнер бойынша V-Азия ойындары өтеді.

Мақаланың түпнұсқасы: https://kaz.nur.kz/1594249-ashkhabad-turghyndaryna-aziya-oyyndary-b.html