RU
Шымкентте шетінеген шақалақтың ата-анасына басқа сәбидің мүрдесін беріп жіберген
Жаңалықтар Қоғам

Шымкентте шетінеген шақалақтың ата-анасына басқа сәбидің мүрдесін беріп жіберген

Расказать Вконтакте

Жаға ұстатарлық жағдай Шымкент перзентханасында болды. №4-ші перинаталдық орталық қызметкерлері шетінеген шақалақтың ата-анасына басқа баланың мүрдесін беріп жіберген деп хабарлайды КТК арнасы.

Шымкентте шетінеген шақалақтың ата-анасына басқа сәбидің мүрдесін беріп жіберген

Көрнекі сурет. Фото әлеуметтік желіден алынды

Күні кеше ғана сәбилі болып шаттанған Айжан, енді шақалағының мүрдесіне қарап есінен тана береді. Шілденің 28-де №4-ші перинаталдық орталықта босанған ұлы 20 күннен кейін көз жұмған. Қайғыдан қан жұтқан ана бұған дәрігерлерді кінәлап отыр.

"Система салды тоқтаусыз. Медбике антибиотик деді. Көз алдымда көкпеңбек болды балам. Реанимацияға барғанша жүрегі үзіліп кетті", - дейді марқұм нәрестенің анасы Айжан Кенжетайқызы.

Мүслім деп есім берген бала өлгенде де Алланың ісі деп, ши шығармаған жақындары денесін үйіне әкелгенде жаға ұстады. Жерлеудің алдында жуындыру үшін оралған ақ матаны ашқан кезде Мүслімнің орнына өзге шала туылған 4-5 айлық қыз баланың денесін көрген. Ашуға булыққан туыстары дереу перзентханаға келіп, дәрігерлерден жауап беруді талап етті.

Шымкентте шетінеген шақалақтың ата-анасына басқа сәбидің мүрдесін беріп жіберген

Марқұм нәрестенің анасы Айжан Кенжетайқызы. Кадр КТК арнасы

"Мүслімнің орнына Алена деген орыс қызын беріп жіберген. Мұсылмандық ғұрыппен жаназасын шығару үшін баланы жуындырмақ ашсақ, ішінде қыз бала жатыр", - дейді марқұм нәрестенің туысы Серік Елтайұлы.

Ұлардай шулап, ашуын кімнен аларын білмей тұрған туыстарына дәрігерлер де ұстатар емес. Таңертеңнен бері бір жауаптыны таба алмай жүрген жұртқа ақыры бас дәрігердің орынбасары шықты. Перзентхана басшысы кінә қызметкерлерінен екенін мойындап отыр. Сондықтан, арнайы тексерістен кейін барлығы жазаланатын болады деп уәде берді.

Тағы оқыңыздар: Өзін полицеймін деп таныстырған Ақтөбе тұрғыны дүкеншілерді бопсалап келген

"Біз жауаптан қашпаймыз. Жауаптылар жауап береді. Өте қиын жағдай. Кешірім сұраймыз", - дейді ОҚО №4-ші перинаталдық орталығы бас дәрігерінің орынбасары Мәдина Мәмбетова.

Туыстары ұлардай шулаған соң он шақты полиция қызметкері де келген. Шағымды тіркеп алғанымен олар әзір қай бап бойынша іс қозғалатынын айта алған жоқ.

Абдыраған ата-ананың арызын қазір полицейлер әкетті. Перзентхана мамандары да өз арасында қызметтік тексерудің басталғанын айтады. Ал, өз баласының мүрдесін әзер алдырған туыстары Мүслімді бүгін-ертең жер қойнына тапсырмақшы.

Расказать Вконтакте

Новости партнёров

Сіздің реакцияңыз
162
11
45
63
0
20
79
Спасибо за Ваше мнение Вы уже голосовали
Тағы да оқыңыздар
Загрузка...
Пікір